13:42, 14 - قىركۇيەك 2015 | GMT +6
مەملەكەت باسشىسى دميتري مەدۆەدەۆتى 50 جاسقا تولعان مەرەيتويىمەن قۇتتىقتادى
استانا. قازاقپارات - مەملەكەت باسشىسى رەسەي فەدەراتسياسى ۇكىمەتىنىڭ ءتوراعاسى دميتري مەدۆەدەۆكە ونىڭ 50 جاسقا تولعان مەرەيتويىنا وراي قۇتتىقتاۋ جولدادى، دەپ حابارلايدى اقوردانىڭ باسپا ءسوز قىزمەتى.
ەلباسى قۇتتىقتاۋىندا د. مەدۆەدەۆتىڭ جىگەرلىلىگى مەن الىستى بولجاي بىلەتىندىگىن، سونداي- اق رەسەيدىڭ قارقىندى دامۋى مەن الەمدىك قوعامداستىقتاعى بيىك بەدەلىن اتاپ وتكەن.
«ءبىزدىڭ ارامىزدا قالىپتاسقان دەڭگەيى بيىك سەنىم مەن ءوزارا تۇسىنىستىك الداعى ۋاقىتتا دا ەلدەرىمىزدىڭ سەرىكتەستىك رۋحى مەن وداقتاستىعىن نىعايتۋعا قىزمەت ەتە بەرەتىنىنە سەنىمدىمىن»، - دەلىنگەن قۇتتىقتاۋدا.
سوڭىندا نۇرسۇلتان نازاربايەۆ رەسەي ۇكىمەتى ءتوراعاسىنا مىقتى دەنساۋلىق، باقىت جانە يگىلىك تىلەدى.