الماتىدا قالا كۇنىن تويلاۋ اياسىندا 50 دەن استام مادەني شارالار وتكىزىلەدى

الماتى. قازاقپارات - بيىل وڭتۇستىك استانادا قالا كۇنىن تويلاۋ اياسىندا 50 دەن استام ءىرى مادەني شارالار وتكىزىلەدى.
None
None

بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا الماتى قالالىق مادەنيەت باسقارماسى باسشىسىنىڭ مىندەتىن اتقارۋشى ماركەن احمەتوۆ مالىمدەدى.

 بيىل قالا كۇنى 20 - قىركۇيەككە سايكەس كەلەدى. ءبىراق، مەرەكەلىك شارالار ايدىڭ العاشقى كۇندەرىنەن باستاپ، جۇزەگە اسىرىلا باستايدى، - دەيدى ۇيىمداستىرۋشىلار. بيىل قالا كولەمىندە 50 دەن استام نەگىزگى شارالاردى وتكىزۋ جوسپارلانعان. ال ەگەر بۇعان اۋدان كولەمىندەگى شارالاردى قوسار بولساق، وندا جالپى سانى مىڭعا جۋىقتايدى.

 الماتى قالالىق مادەنيەت باسقارماسى باسشىسىنىڭ مىندەتىن اتقارۋشى ماركەن احمەتوۆتىڭ ايتۋىنشا، نەگىزگى شارالار 20 - قىركۇيەكتە 28 - پانفيلوۆشىلار ساياباعىندا وتەدى. سونداي- اق، وسى ساياباقتا Smile park دەپ اتالاتىن ەموتسيا فەستيۆالى ۇيىمداستىرىلادى. ال كۇندىز سايران كولىندە دە قالا تۇرعىندارىن قىزىقتى شارالار كۇتىپ تۇر.

بيىل الماتى مەتروپوليتەنىنىڭ جەتى بەكەتىندە كلاسسيكالىق مۋزىكا بويىنشا «مەتروداعى مۋزىكا» اتتى كونسەرتتەر ۇيىمداستىرىلادى. ياعني، 7-15 - قىركۇيەك ارالىعىندا پويىزدان تۇسكەن جولاۋشىلار وركەسترلىك مۋزىكانىڭ اۋەنىن ەستيتىن بولادى.

 سونداي- اق، م. احمەتوۆ Apple Quest دەپ اتالاتىن قىزىقتى جوبا جونىندە اڭگىمەلەدى. ول قالا تاريحىنا ارنالعان. شارا 13 - قىركۇيەك - وتباسى كۇنى ۇيىمداستىرىلادى. مۇندا شامامەن 50 كوماندا جاساقتالىپ، قالا تاريحىن ءبىلۋ بويىنشا بايقاۋعا تۇسەدى.

 «قازىر قالادا I love Almaty. بايقاۋى قىزۋ جۇرگىزىلىپ جاتىر. باس جۇلدە - 1 ميلليون تەڭگە. بۇل I love Almaty دەگەن جازۋى بار شاعىن ساۋلەت مۇسىندەرىن جاساۋ بويىنشا بايقاۋ. ءاربىر قالا اۋدانىندا ينستاللياتسياعا ارنالعان ورىندار بەلگىلەنەدى. ال 20 - قىركۇيەكتە ق ر تۇڭعىش پرەزيدەنتى ساياباعىندا ءاربىر اۋداندا ەڭ ۇزدىك دەپ تانىلعاندارى جۇرتشىلىق نازارىنا ۇسىنىلادى» ، - دەدى ول.  

اۆتور: جاپپاربەرگەن ايبوتا

سوڭعى جاڭالىقتار