قازاقستاندا 50 جاستان كەيىن جۇمىسقا ورنالاسۋ مۇمكىن بە؟
وسى تاقىرىپ الەۋمەتتىك ماسەلەلەر بويىنشا ساراپشىلار باس قوسقان جيىندا تالقىلاندى. قاتىسۋشىلار جۇمىسقا ورنالاسۋ كەزىندە جاس ەرەكشەلىكتەرىنە قاراي تاڭداۋ جاسالاتىنىن جاسىرمادى.
اسىرەسە مۇنداي كەدەرگىلەرگە زەينەت الدى جاسىنداعى جاندار تاپ بولاتىنىن ايتتى. ويتكەنى باسپا ءسوز بەتتەرى مەن عالامتورداعى حابارلاندىرۋلاردا ەگدە جاستاعى ادامداردى جۇمىسقا المايتىندارى انىق كورسەتىلەدى.
ال كەيبىر مەكەمەلەر مەن كاسىپورىن باسشىلارى بولسا قىزمەتكە جاس مامان الۋعا مۇددەلى. ستاتيستيكاعا سۇيەنسەك، ەلىمىزدە 8,5 ميلليونعا جۋىق ازامات ەڭبەككە قابىلەتتى. سونىڭ %25 عا جۋىعى ياعني 2,5 ميلليوننان استامى 45 پەن 59 جاس ارالىعىندا.
قانات اۋەسباي، «قازاقستان-2050» جالپىۇلتتىق قوزعالىسىنىڭ مەديا ديرەكتورى:
- ءوزىن- ءوزى قامتۋ ورتالىقتارى بار. سولاردىڭ جانىندا بىلىكتىلىكتەرىن كوتەرۋ كۋرستارى بار. سولاردىڭ جۇمىسىن جانداندىرۋ كەرەك. ويتكەنى بۇگىندە حالىق بىلمەيدى. ەگەردە ءوزىنىڭ بىلىكتىلىگىن جوعالتىپ السا، قاي جەرگە حابارلاسۋ كەرەك؟ بىلىكتىلىگىن كوتەرەتىن قانداي كۋرستار بار؟ قانداي ماماندىقتار بار؟ اقپارات مالىمەت از. قاي جەرگە بارىپ نە ىستەۋ كەرەك؟ قانداي ماماندىقتاردى يگەرۋ كەرەك سونى بىلمەيدى.
www.24.kz
