اباي وقىعان 50 كىتاپ كورمەگە قويىلدى - كەسكىن
اقپارات قۇرالىنىڭ مالىمەتىنشە، سەمەيدەگى ابايدىڭ رەسپۋبليكالىق قورىق- مۇراجايىندا «بالامدى مەدرەسەگە ءبىل دەپ بەردىم...» دەگەن اتاۋمەن كورمە اشىلدى.
كورمەدە ەلدى ەلەڭ ەتكىزەر جادىگەرلەر جەتەرلىك. مۇراجاي قورىنان ابايدىڭ ءوزى وقىعان 50 كىتاپ العاش رەت كورمە سورەسىنە قويىلىپ وتىر.
«تاعى ءبىر قۇندى بۇيىم - 200 جىلعا جۋىق تاريحى بار مەدرەسەنىڭ ەسىگى. كونە ءبىلىم ورداسى XIX عاسىردىڭ ورتا تۇسىندا قازاننان وقىپ كەلگەن عۇلاما احمەت ريزا دەگەن تاتار مولداسىنىڭ پارمەنىمەن بەلسەندى جۇمىس ىستەپ تۇردى. قازاقتىڭ باس اقىنى مۇندا 1855-1859 -جىلدارى ءتالىم العان. مەدرەسە كەڭەس ۇكىمەتى ورناعاندا جابىلىپ، قويماعا، كەيىننەن كەڭسەگە اينالدى. ودان سوڭ بۇل عيمارات ورتەندى دە. تاريحي نىسان 1995 -جىلى دانىشپان اقىننىڭ 150 جىلدىق مەرەيتويى كەزىندە قايتا جاڭعىرتىلدى»، - دەلىنگەن جاريالانىمدا.
ەسكە سالا كەتەيىك، بۇعان دەيىن رەسەيدەن ابايدىڭ ۇلدارىنىڭ ومىرىنە قاتىستى دەرەكتەردىڭ اكەلىنگەنى حابارلانعان بولاتىن. ماماندار ومبى قالاسىنداعى رەسەي عىلىم اكادەمياسىنىڭ ەتنوگرافيا جانە ارحەولوگيا ينستيتۋتىنىڭ قىزمەتكەرلەرىمەن كەزدەسىپ، قازاقستان تاريحىنا قاتىستى دەرەكتەر الىندى. كەزدەسۋ ناتيجەسىندە ابايدىڭ ءىنىسى وقىعان ومبى كادەت كورپۋسىنا، ابايدىڭ ۇلدارى ماعاۋيا مەن تۇراعۇلدىڭ ومىرىنە قاتىستى دەرەكتەردىڭ كوشىرمەلەرى الىنىپ، مۇراجاي قورى تولىقتىرىلدى.