عالىمدار: جەردەگى وتتەگىنىڭ 50 پايىزىن تەڭىز ميكرو اعزالارى وندىرەدى

استانا. قازاقپارات - فيتوپلانكتون - الەمدىك مۇحيتتا تىرشىلىك ەتۋشىلەردىڭ ازىق قۇرامىنىڭ اجىراماس بولىگى عانا ەمەس، ءبىز تىنىس الاتىن وتتەگىن ەڭ باستى ءوندىرۋشى. 3,5 جىل مۇحيتتا بولعان امەريكالىق عالىمدار وسىنداي تۇجىرىمعا كەلدى. ولاردىڭ ايتۋىنشا، ميكرواعزالار جەردەگى وتتەگىنىڭ 50 پايىزىن وندىرەدى.

بۇل تۋرالى rosbalt.ru جازادى.

 وسى ۋاقىت اراسىندا ەنتۋزياستتار جەردىڭ 210 نان استام ءتۇرلى جەرىنىڭ پلانكتونىنىڭ 35 مىڭنان استام ۇلگىلەرىن زەردەلەدى. Science جۋرنالىندا جاريالانعان تۇجىرىمعا سايكەس، فوتوسينتەز ارقاسىندا تەڭىز ميكرواعزالارى اتموسفەرادان كومىر قىشقىل گازى مەن جانعىش ونىمدەردى جويادى ەكەن. بۇدان باسقا، جەردەگى پلانكتوننىڭ گەنەتيكالىق ءتۇرى ءبىز ويلاعاننان دا كوپ بولىپ شىقتى. ولاردىڭ مۇنشا كوپ بولۋى پارازيت ۆيرۋستار تۋىنداتقان وزگەرىستەرگە بايلانىستى.

 اريزون ۋنيۆەرسيتەتىنىڭ مۇحيتتانۋشىسى دجەنيفەر برۋمنىڭ ايتۋىنشا، ءبىر ستاقان تەڭىز سۋىندا شامامەن 200 ميلليون ۆيرۋس بار ەكەن. ولاردىڭ كوبى وسى ستاقاندا بولاتىن 20 ميلليونداي باكتەرياعا جۇعاتىن كورىنەدى.