قازاقستاندا جاسالعان: ەلوردالىق اۆتوكولىك شينالارى زاۋىتى جىلىنا 50 مىڭ تونناعا جۋىق شيكىزاتتى پايداعا اسىرادى - فوتو
جىل سايىن زاۋىت 50 مىڭ تونناعا جۋىق شيكىزاتتى پايداعا اسىرادى. الايدا، كومپانيا قامتي الاتىن ءوندىرىس كولەمى جىلىنا 300 مىڭ توننا اۆتوموبيل شيناسىن قۇرايدى، دەپ حابارلادى astana.gov.kz.
ياعني، پايداعا جاراتۋدىڭ ءالى قامتىلماعان كولەمى بار، ونى زاۋىت ەلورداعا جاقىن ايماقتاردىڭ شيكىزاتىن قايتا وڭدەۋ ارقىلى تولتىرماق.
بۇگىنگى كۇنى زاۋىتتا ءبىر اۋىسىمدا 15 ادام جۇمىس ىستەيدى. ءبىر اۋىسىمدا 10-15 توننا شيكىزات پايداعا اسىرىلادى. شينانىڭ العاشقى ۇساقتاۋ بولىمىنە تۇسكەننەن رەزەڭكە تۇيىرلەرگە اينالىپ شىعۋىنا دەيىن 45-50 مينۋت ۋاقىت قاجەت. اۆتوكولىك شينالارىن كادەگە جاراتۋ تۋرالى بىزگە زاۋىتتىڭ ديرەكتورى ەرمەك ابديەۆ ايتىپ بەردى.
«شينا قالدىقتارىن كادەگە جاراتۋدىڭ ءبىرىنشى كەزەڭى - شرەدتەۋ، وندا ولار بەلگىلى ولشەمگە دەيىن بولشەكتەلەدى. ودان ءارى نەگىزگى جەلىگە جىبەرىلىپ، ۇساقتاپ تازالاۋدىڭ بىرنەشە كەزەڭىنەن ءوتىپ، ماگنيتتىك ۇستاۋ ارقىلى مەتالل كوردتار بولىنەدى، ال بۇل جوعارى ساپالى بولات بولىپ تابىلادى. سونداي- اق، توقىما كوردتار بولىنەدى، ناتيجەسىندە ءتۇرلى فراكتسيالى رەزەڭكە تۇيىرشىكتەر قالادى» ، دەيدى «Kazakhstan Rubber Recycling» ج ش س ديرەكتورى ەرمەك ابديەۆ.
زاۋىتتا شيكىزاتتى كادەگە جاراتۋدىڭ مەحانيكالىق ءادىسى جۇزەگە اسىرىلادى. ياعني، تەرمو- وڭدەۋ مەن حيميالىق رەاگەنتتەرسىز كادەگە اسىرۋدىڭ ەكولوگيالىق ءتاسىلى پايدالانىلادى.
زاۋىتتاعى شينالاردى كادەگە اسىرۋ پروتسەسىنىڭ ناتيجەسىندە قۇرىلىستا جىلۋ ساقتاعىش جانە دىبىس ۇستاعىش رەتىندە پايدالانىلاتىن توقىما الىنادى. سونداي- اق، قايتا بالقىتۋعا جىبەرىلەتىن مەتالل كورد شىعارىلادى. تولىق تەحنولوگيالىق تسيكل بارىسىندا الىناتىن ەڭ باستى شيكىزات ونەركاسىپتىڭ ءتۇرلى سالالارىندا كەڭىنەن پايدالانىلاتىن فراكتسيالى رەزەڭكە تۇيىرلەرى بولىپ تابىلادى.
