قىتاي تاياۋداعى ءۇش جىل ىشىندە 50 عارىشتىق ۇشىرۋلار وتكىزۋدى جوسپارلاۋدا
بۇل تۋرالى شينحۋا اگەنتتىگىنە ەكسكليۋزيۆتىك سۇحباتىندا قىتاي حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ مۇشەسى، قىتايدىڭ CALT زىمىران- تاسىعىشتار زەرتتەۋ اكادەمياسى پارتيا كوميتەتىنىڭ حاتشىسى ليان سياوحۋن ءمالىم ەتتى.
ليان سياوحۋن، سونداي- اق، قازىرگى كەزدە CALT جىل سايىن 16-دان 20-عا دەيىن زىمىران- تاسىعىشتار شىعارۋعا قابىلەتتى ەكەنىن اتاپ ءوتتى. 2015 - جىلى «چانچجەن-11» العاشقى جاڭا ۇرپاق جەڭىل زىمىران- تاسىعىشىن شىعارۋ جوسپارلانعان.
سونىمەن بىرگە، تاياۋداعى بولاشاقتا «چانچجەن-7» جانە «چانچجەن-5» جاڭا ۇرپاق ورتاشا جانە اۋىر زىمىران- تاسىعىشتارىن جاساۋ اياقتالادى. «اتالعان زىمىراندار ەكولوگيالىق تازا وتىنمەن جۇمىس ىستەيدى جانە قىتاي كوسموناۆتيكاسىن دامىتۋدا جەتەكشى ءرول اتقارادى»، - دەپ اتاپ ءوتتى قىتايدىڭ CALT زىمىران- تاسىعىشتارى زەرتتەۋ اكادەمياسىنىڭ پارتيا كوشباسشىسى.
