ا ق ش پەن كۋبا 50 جىلدان كەيىن قايتا ديپلوماتيالىق قارىم- قاتىناستارىن قالپىنا كەلتىرۋدە

استانا. قازاقپارات - كۋبادا بەس جىل بۇرىن 15 جىلعا سوتتالعان ا ق ش ازاماتى الان گروسس تۇرمەدەن شىعارىلدى، دەپ حابارلايدى حابار. ك ز.

ونى سپۋتنيكتىك جابدىقتاردى زاڭسىز تاسىمالدادى دەگەن ايىپپەن قاماۋعا العان بولاتىن.

كۋبا مەن امەريكا قۇراما شتاتتارى اراسىنداعى ديالوگ ءۇشىن وسى جاعداي نەگىزگى كەدەرگىلەردىڭ ءبىرى بولىپ كەلدى. سونىمەن قوسا، ۆاشينگتون گاۆانادا جاقىن ارادا ا ق ش ەلشىلىگى اشىلۋى مۇمكىن ەكەنىن حابارلايدى. ال فلوريدادا تىڭشىلىق ءۇشىن تۇتقىندالعان ءۇش كۋبالىق اباقتىدان بوساتىلدى.

سونداي- اق، ا ق ش جانە كۋبا اراسىنداعى بانك جانە ساۋدا قارىم- قاتىناستارى دا قالىپقا كەلۋى مۇمكىن. جاقىن ارادا كۋباداعى مەملەكەتتىك كەڭەستىڭ ءتوراعاسى راۋل كاسترو گاۆانا مەن ۆاشينگتوننىڭ ءوزارا قارىم- قاتىناسى تۋرالى رەسمي مالىمدەمە جاسايدى دەپ كۇتىلۋدە.

 ايتا كەتەيىك، ەكى ەل 1961 - جىلدان بەرى 50 جىلدان استام ۋاقىت قارىم- قاتىناس جاساسپاعان.