قازاقستان ەۋروپا قۇرامالارى ارالىق رەيتينگىسىندە 50-ورىنعا يە بولدى
بۇل رەيتينگى پاريجدە 2015-جىلعى 12- جەلتوقساندا وتەتىن ەۋرو-2016 فينالدىق ساتىسىنداعى جەرەبە كەزىندە كوماندالاردىڭ قاي قورجىنعا تۇسەتىنىن ايقىندايدى.
ەۋرو-2016 ءتورت ىرىكتەۋ ماتچىندا گەرمانيا قۇراماسى جەتى ۇپاي جينادى، بۇل 38,286 كوەففيتسيەنتىنە تەڭ. ەۋروپالىق ىرىكتەۋدىڭ اقپانداعى جەرەبەسىندە دە نەمىستەر كوش باسىنا شىقتى. بۇعان بۇرىنعى كوشباسشى يسپانيانىڭ كورسەتكىشى تومەندەۋى سەبەپ بولدى. ءۇشىنشى ورىندا اعىلشىندار، ال ءتورتىنشى ورىندا يتاليا ورنالاسقان، بەستىكتى نيدەرلاندى تۇيىقتاپ تۇر.
مۇنداعى ەلەۋلى وزگەرىس بۇگىندە جەتى ورىنعا تابان تىرەگەن چەحيانىڭ بىردەن 10 پوزيتسياعا جوعارىلاۋى بولدى. پاۆەل ۆروبانىڭ كومانداسى ەۋرو-2016-نىڭ كۇزگى ىرىكتەۋ ماتچتارىن جاقسى وتكىزىپ، ءتورت ماتچتا ءتورت جەڭىسكە يە بولدى، سونىڭ ىشىندە نيدەرلاندىنى دا تىزە بۇكتىردى. فرانسيا مەن حورۆاتيا دا وندىقتىڭ قاتارىنا كىردى. يزرايل 23- ورىننان 12- ورىنعا سەكىردى، سونداي-اق رۋمىنيا (26-دان 15- ورىنعا) ، يسلانديا (38- ورىننان 24-شىگە)، سولتۇستىك يرلانديا (39 دان 33 كە) جاقسى تابىستارعا جەتتى.
قازاقستان قۇراماسى گيبرالتار، سان-مارينا، اندوررا جانە مالتا كوماندالارىنان العا وزىپ، 50- ورىنعا تۇراقتادى.
