قازاقستان مەن مىسىر اراسىندا تاۋار اينالىمى 50 ميلليارد دوللارعا جەتتى

الماتى. قازاقپارات - كەشە الماتى قالاسىنىڭ اكىمى احمەتجان ەسىموۆ مىسىردىڭ ۆاكۋفتەر (ءدىني قايىرمالدىق) ءمينيسترى مۇحامماد جۇمانى قابىلدادى. كەزدەسۋ بارىسىندا ۆاكۋفتەر ءمينيسترىنىڭ وڭتۇستىك استاناعا جاساعان ءىس-ساپارى الماتى مەن مىسىر اراسىنداعى ىنتىماقتاستىقتى ودان ءارى نىعايتا تۇسەتىندىگى ايتىلدى.

«قازاقستان - بارلىق ءدىني كونفەسسيالاردى، ەتنوستاردى، ولاردىڭ تىلدەرى مەن مادەنيەتىن قۇرمەتتەيتىن كوپ ۇلتتى ەل. بۇل باعىتتا مىسىرمەن اراداعى ىنتىماقتاستىقتى دامىتۋ - ۇلكەن ماڭىزعا يە. قازىرگى تاڭدا وزدەرىڭىز بىلەسىزدەر، قالامىزدا نۇر- مۇباراك ۋنيۆەرسيتەتى جۇمىس ىستەيدى. ونىڭ تۇلەكتەرى ەلىمىزدىڭ بارلىق ايماقتارىندا ەڭبەك ەتىپ جاتىر - دەدى احمەتجان ەسىموۆ.

ودان باسقا، قالا باسشىسى ءوز سوزىندە قازاقستان مەن مىسىر اراسىندا تاۋار اينالىمىنىڭ 50 ميلليارد دوللارعا جاقىنداعانىن، ال ونىڭ تەڭ جارتىسى الماتى قالاسىنىڭ ۇلەسىندە ەكەندىگىن جەتكىزدى.

ءوز كەزەگىندە مىسىردىڭ ۆاكۋفتەر ءمينيسترى مۇحامماد جۇما الماتى مەن اراداعى ىنتىماقتاستىقتى اسىرەسە، مادەنيەت پەن ءبىلىم سالاسىنداعى بايلانىستى كەڭەيتە تۇسۋگە ىنتالى ەكەندىگىن جەتكىزدى.

اۆتور: جاپپاربەرگەن ايبوتا