انتاليادا 50 گە جۋىق قازاقستاندىق تۋريست قوناق ۇيدەن قۋىلدى
بەلگىلى بولعانداي، دەمالۋشىلار شەتەلگە Almaz tourizm تۋريستىك اگەنتتىگى ارقىلى بارعان. وسى جاعدايعا وراي، قازاقستاننىڭ تۋريستىك قاۋىمداستىعىنىڭ ديرەكتورىن راشيدا شايكەنوۆا «ماسەلەنىڭ ءمانىسىن انىقتاۋعا تىرىسىپ جاتىرمىز»، - دەدى.
كەلەڭسىزدىك قارجى ماسەلەسىنەن تۋىنداعان.
Almaz tourizm مەن تۇركيالىق Trek travel اۋدارىلعان اقشا بويىنشا ءبىر شەشىمگە كەلە الماۋدا. قازاقستاندىق كومپانيا اقشانى اۋدارعانىن ايتسا، ەكىنشى جاق تۇسكەن جوق، ءالى دە قارىزدارى بار دەپ وتىر.
سوعان بايلانىستى تۇركيالىق كومپانيا قازاقستاندىق تۋريستەردى قوناق ۇيدەن قۋا باستاعان. ءبىز Trek travel باسشىلىعىمەن اڭگىمە جۇرگىزىپ، اقىرى تۋريستەر قوناق ۇيگە قايتارىلدى. تۋريستەرگە قولايسىزدىق كەلتىرمەۋ ءۇشىن بارلىق شارالار جۇرگىزىلەتىن بولادى. «ال Almaz tourizm كومپانياسى بانكروتقا ۇشىرادى دەگەن سىبىس شىندىققا جاناسپايدى. ولار جۇمىسىن جالعاستىرۋدا»، - دەيدى قازاقستانداعى تۋريستىك اسسوتسياتسيا ديرەكتورى راشيدا شايكەنوۆا. ال Almaz tourizm كومپانياسىنىڭ جەتەكشىسى ماسەلەنىڭ ءالى دە تولىقتاي شەشىمىن تاپپاعانىن، تۋريستەردىڭ بارلىعى بىردەي قوناق ۇيگە ورنالاسپاعانىن ايتتى.
سونداي-اق قوناق ءۇي قوجايىندارىنىڭ ماسەلەگە تۋريستەردى ارالاستىرعانىنا قىنجىلادى. «ولاردىڭ بەرگەن مالىمەتى بويىنشا ولاردى قايتادان قوناق ۇيگە الدى. ءبىراق تۋريستەر تۋىسقاندارىنا حابارلاسىپ جاتىر. ءبارى كىرمەگەن. ولار تۋريستەردىڭ قالتالارىنداعى بار اقشالارىن العان. تۋريستەر ول اقشانى قوناق ۇيگە تولەگەن.
سوعان قاراماستان، بىزدەن تاعى اقشا سۇراپ جاتىر. ول جاعى ەندى ءبىراز قيىن ماسەلە. قازىرگى تاڭدا ەرتەڭ بۇگىن شىعاتىن تۋريستەر جولدامالارىنىڭ كۇنىن اۋىستىرىپ جاتىرمىز. كەيبىرەۋلەرى بارمايمىز دەگەندەرگە تولەگەن اقشالارىن قايتارىپ بەرىپ جاتىرمىز»، - دەيدى اتالعان تۋريستىك كومپانياسىنىڭ باسشىسى اينۇر باكىبايەۆا.
24.kz
