قىتايدا وتەتىن جاسوسپىرىمدەر وليمپيادا ويىنىندا قازاقستان نامىسىن 50 سپورتشى قورعايدى
«قازىرگى ۋاقىتتا نانجيڭ قالاسىدا وتەتىن 2 - جاسوسپىرىمدەر وليمپيادا ويىندارىنا قاتىسۋ ءۇشىن 42 ليسەنزيا يەلەندىك جانە بۇل ويىندارعا 50 سپورتشى قاتىساتىن بولادى» ، - دەدى اگەنتتىك ءتوراعاسىنىڭ ورىنباسارى.
ونىڭ سوزىنە قاراعاندا، سپورتشىلار وليمپياداعا دايىندىق ورتالىقتارىندا دايىنداۋ ۇستىندە. سپورتشىلاردىڭ باسىم بولىگى الماتى وبلىسىنان.
«بىزدەر ەڭ ءبىرىنشى كەزەكتە التىن مەدال جەڭىپ الۋ مىندەتىن جۇكتەپ وتىرمىز. التىن مەدالدى گرەك- ريم كۇرەسىنەن، اۋىر اتلەتيكادان جانە بوكستان ەنشىلەۋدى جوسپارلاۋدامىز. كۇمىس مەدالمەن كانوە ەسۋدەن، ەركىن كۇرەستەن جانە بوكستان قانجىعامىزدى مايلاماقپىز. ال قولا مەدالدى تايەكۆوندودان، گرەك- ريم كۇرەسىنەن، ايەلدەر كۇرەسىنەن، دزيۋدودان، بوكستان، جۇزۋدەن، قازىرگى بەسسايىستان الۋ جوسپاردا بار» ، - دەدى ە. قاناعاتوۆ
ايتا كەتەيىك، قازاقستاننىڭ قۇراما كومانداسى ءبىرىنشى ويىنداردا سپورتتىڭ 19 تۇرىنەن 33 ليسەنزيا ۇتىپ العان بولاتىن. بەيرەسمي ەسەپتە قازاقستان 24 - ورىنعا تۇراقتاعان ەدى.
اۆتور: مارلان جيەمباي
