الماتىدا جول ەرەجەسىن 504 مارتە بۇزعان جۇرگىزۋشىگە 4,6 ميلليون تەڭگە ايىپپۇل سالىندى

الماتى. قازاقپارات - قىرعىز ەلىنىڭ ەسەبىندە تۇرعان كولىكتىڭ 39 جاستاعى جۇرگىزۋشىسىنە 4,6 ميلليون تەڭگە ايىپپۇل سالىندى، دەپ حابارلايدى قازاقپارت ءتىلشىسى.
None
None

الماتىدا ءبىر تاۋلىكتە جول قوزعالىسى ەرەجەسىن بۇزعان 4 جۇرگىزۋشى انىقتالدى.

«ونىڭ ىشىندە 1983-جىلى تۋعان ي. ەسىمدى ازامات بار. ول قىرعىز ەلىنىڭ ەسەبىندە تۇرعان «حوندا» ماركالى كولىگىمەن 504 رەت جول ەرەجەسىن بۇزعان. سونىمەن قاتار، ەر ادامنىڭ ايىپپۇلىن تولەمەگەنى انىقتالدى. ايىپپۇل سوماسى 4629625 تەڭگەگە جەتكەن. قۇقىق بۇزۋشى دەرەۋ كولىك قۇرالىن باسقارۋدان شەتتەتىلدى، ونىڭ كولىگى مامانداندىرىلعان ايىپ تۇراعىنا قويىلدى. تاعى ءبىر ءتارتىپ بۇزۋشى رەسەيدە تىركەلگەن كولىكپەن ۇستالدى. بۇل - 1988-جىلى تۋعان ا. ەسىمدى ازامات. ونىڭ جالپى سوماسى 3480909 تەڭگەنى قۇرايتىن 370 ايىپپۇلى بار. بۇل كولىك تە ايىپپۇل تۇراعىنا قويىلدى»، - دەدى قالالىق پ د جەرگىلىكتى پوليتسيا قىزمەتى باسقارماسىنىڭ باسشىسى ماناپ ساتتاروۆ.

سپيكەردىڭ سوزىنشە، جول قوزعالىسى ەرەجەسىن بۇزعانى ءۇشىن ايىپپۇل تولەمەيتىن كولىك جۇرگىزۋشىلەرىن انىقتاۋ شاراسى سيفرلىق تەحنولوگيالاردى بەلسەندى پايدالانا وتىرىپ ءجۇرىپ جاتىر.

سوڭعى جاڭالىقتار