ش ق و-دا مەكتەپ ءىشى تۇتىندەپ، 500 گە جۋىق وقۋشى ەۆاكۋاتسيالاندى - ۆيدەو

وسكەمەن. قازاقپارات - شىعىس قازاقستان وبلىسى ريددەر قالاسىندا مەكتەپ ءىشى تۇتىندەپ، 500-گە جۋىق وقۋشى دالاعا شىعارىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 13-قىركۇيەك كۇنى ساعات 09:57-دە ريددەردەگى مەكتەپتەردىڭ ءبىرىنىڭ ءىشىن ءتۇتىن باستى. وقيعا ورنىنا قۇتقارۋشىلار شاقىرىلدى. ولار كەلىپ جەتكەنشە مۇعالىمدەر ۇيىمداسقان كۇيدە 500-گە جۋىق وقۋشىنى دالاعا شىعارعان.

«انىقتالعانداي، 2-قاباتتا ورنالاسقان اس ءۇي بولمەسىندەگى پەش ۇستىندە مايدىڭ قالىپ قويۋىنان ءتۇتىن شىققان. ابىروي بولعاندا، ءورت بولمادى. زارداپ شەككەن ەشكىم جوق»، - دەلىنگەن اقپاراتتا.

ت ج د قىزمەتكەرلەرى اۋانى تازارتقان سوڭ وقۋشىلار مەكتەپكە كىرىپ، ساباقتارىن قايتا جالعاستىردى.