مال جايۋ ەرەجەسىن بۇزعان 500 دەن استام تۇركىستاندىق ايىپپۇل تولەدى
نۇر-سۇلتان. قازاقپارات - تۇركىستان وبلىسى ماقتاارال اۋدانىنىڭ 500 دەن استام تۇرعىنى مال جايۋ قاعيدالارىن بۇزعانى ءۇشىن جاۋاپكەرشىلىككە تارتىلدى، دەپ حابارلايدى قازاقپارات Polisia.kz سايتىنا سىلتەمە جاساپ.
تۇركىستان وبلىسى ماقتاارال اۋداندىق پوليتسيا ءبولىمىنىڭ قىزمەتكەرلەرى ق ر ا ق ب ت ك-نىڭ ەرەكشە بولىمىندەگى تارتىپسىزدىككە «نولدىك توزىمدىلىك» قاعيداتىن جۇزەگە اسىرۋعا، قوعامدىق ءتارتىپتى نىعايتۋعا تىكەلەي اسەر ەتۋ ماقساتىندا ىشكى ىستەر مينيسترلىگى بەلگىلەگەن زاڭدىلىقتار بويىنشا وسى جىلدىڭ 8 ايىندا 1727 قۇقىق بۇزۋشىلىقتى انىقتادى.
ماسەلەن، ماقتاارال ا پ ب ج پ ق ب-نىڭ ۋچاسكەلىك پوليتسيا ينسپەكتورلارى ءۇي جانۋارىن جايۋ قاعيداسىن بۇزعان 504 ادامدى انىقتاپ، ولاردىڭ ءار قايسىسىنا 3-ايلىق ەسەپتىك كورسەتكىش، ياعني 9189 تەڭگەدەن ايىپپۇل سالدى.
سونداي-اق، ق ر ا ق ب ت ك-نىڭ 73-بابىمەن (وتباسى- تۇرمىستىق قاتىناستار اياسىنداعى قۇقىققا قارسى ارەكەتتەر) – 112، 132-بابىمەن (كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە بولۋىنا جول بەرۋ) – 5، 423-بابىمەن (ون سەگىز جاسقا تولماعان ادامدارعا تەمەكىنى جانە تەمەكى بۇيىمدارىن ساتۋ جانە ولاردىڭ ساتۋى) – 3، 200-بابىمەن (قازاقستان رەسپۋبليكاسى زاڭناماسىنىڭ الكوگول ءونىمىن وتكىزۋ جونىندەگى تالاپتارىن بۇزۋ) – 1، 204-بابىمەن (بەلگىلەنبەگەن ورىنداردا ساۋدا جاساۋ) - 46 زاڭ بۇزۋشىلىق انىقتالدى.
