سەرگەك كامەرالارى ارقىلى ەلوردادا 500 مىڭ قۇقىق بۇزۋشىلىق انىقتالدى

None
نۇر-سۇلتان. قازاقپارات - جىل باسىنان بەرى «سەرگەك» كامەرالارىنىڭ كومەگىمەن ەلوردادا 500 مىڭ قۇقىق بۇزۋشىلىق انىقتالدى.

بۇل دەرەكتەردى نۇر-سۇلتان قالاسى پ د جەدەل باسقارۋ ورتالىعىنىڭ ءبولىم باسشىسى لاريسا چيرۆا كەلتىردى، دەپ حابارلايدى قازاقپارات ءتىلشىسى.

«جىل باسىنان بەرى بەينەباقىلاۋ كامەرالارى ارقىلى 1231 قىلمىستىڭ بەتى اشىلىپ، 13 مىڭنان استام اكىمشىلىك قۇقىق بۇزۋشىلىق انىقتالدى. سونىمەن قاتار مەكتەپكە قويىلعان كامەرالار كومەگىمەن نورماعا سايكەس كەلمەيتىن 105 فاكتى انىقتالدى. پروفيلاكتيكالىق جۇمىس جۇرگىزۋ ءۇشىن دەرەكتەر ءبىلىم باسقارماسىنا جىبەرىلدى. ال جىل باسىنان بەرى «سەرگەك» كامەرالارى ارقىلى ەلوردادا 500 مىڭ قۇقىق بۇزۋشىلىق انىقتالدى»، - دەدى لاريسا چيرۆا.

ەلوردا تەرريتورياسىندا 13 مىڭنان استام «سەرگەك» كامەرالارى قويىلعان.

لاريسا چيرۆانىڭ دەرەگىنشە، الداعى ۋاقىتتا كامەرالار قۇقىق بۇزۋشىلىق فاكتىلەرىن وپەراتوردىڭ كومەگىنسىز، اۆتوماتتى تۇردە انىقتاي الاتىن بولادى.

سوڭعى جاڭالىقتار