ىشكى ىستەر مينيسترلىگى تۇرعىنداردان 500 دەن استام اتىس قارۋىن ساتىپ الدى

بۇل تۋرالى ق ر ءى ءى م اكىمشىلىك پوليتسيا كوميتەتى قارۋ اينالىمىن باقىلاۋ ءبولىمىنىڭ باستىعى اسىلبەك ىدىرىسوۆ ايتىپ بەردى، دەپ حابارلايدى قازاقپارات.
«ىشكى ىستەر مينيسترلىگى حالىقتان زاڭسىز ساقتالعان قاۋ-جاراق ساتىپ الۋ اكسياسىن ۇنەمى وتكىزەدى. 2008-جىلدان باستاپ وسىنداي 11 شارا جۇرگىزىلدى. 11 جىلدا جالپى سوماسى شامامەن 1,8 ميلليارد تەڭگەگە 54 مىڭنان استام اتىس قارۋى جانە 2 ميلليوننان استام ويىق قارۋدىڭ پاتروندارى ەرىكتى تۇردە تاپسىرىلعان. بۇل شارالار كريمينوگەندىك احۋالعا وڭ سەپتىگىن تيگىزدى»، - دەدى اسىلبەك ىدىرىسوۆ ق ر ءى ءى م ۇيىمداستىرعان ونلاين-بريفينگتە.
تەك سوڭعى 5 جىلدا قارۋ-جاراقپەن جاسالعان قىلمىس سانى جارتىسىنا جۋىق ازايعان، 2016-جىلى 389 قىلمىس بولسا، 2021-جىلى 192 گە دەيىن تومەندەگەن.
زاڭسىز ساقتالعان قارۋ-جاراقتى ەرىكتى تۇردە تاپسىرۋعا نيەت بىلدىرگەن ازاماتتاردىڭ ارەكەتىندە وزگە قۇقىق بۇزۋشىلىق قۇرامى بولماسا، ولار قىلمىستىق جانە اكىمشىلىك جاۋاپكەرشىلىكتەن بوساتىلادى.
«بيىل وسىنداي اكسيا 25-ساۋىردە باستالدى. ونى وتكىزۋگە رەسپۋبليكالىق بيۋجەتتەن 88 ميلليون تەڭگە قاراجات ءبولىندى. وسى ءبىر اپتادا تۇرعىندار 500 دەن استام اتىس قارۋىن، 3,5 مىڭنان استام ويىق قارۋىنىڭ پاتروندارىن ەرىكتى تۇردە تاپسىردى، الدىن الا ەسەپ بويىنشا 33,5 ميلليون تەڭگە تولەنەدى. زاڭسىز ساقتالعان اتىس قارۋىن، وق-دارىلەردى، جارىلعىش زاتتاردى اقشالاي سىياقى ءۇشىن تاپسىرۋعا نيەت بىلدىرگەن ازامات كەز كەلگەن اۋماقتىق پوليتسيا ورگانىنا ءوتىنىش بەرە الادى. تابىلعان قارۋدى بولشەكتەۋ، سىندىرۋ جانە تاسىمالداۋدىڭ قاجەتى جوق. بۇل ماقساتتا بىزدە ارنايى وقىتىلعان قىزمەتكەرلەر مەن تەحنيكالار بار»، - دەدى ا. ىدىرىسوۆ.