نۇر-سۇلتانداعى جارمەڭكە: اقمولا 500 توننادان استام اۋىل شارۋاشىلىعى ءونىمىن اكەلدى - فوتو
«حان شاتىر» ساۋدا ويىن- ساۋىق كەشەنىنىڭ جانىنداعى الاڭدا ءوتىپ جاتقان جارمەڭكەدە ءوڭىردىڭ اۋىل شارۋاشىلىعى تاۋار وندىرۋشىلەرى 420 ميلليون تەڭگەگە جۋىق سوماعا 500 توننادان استام ءونىمىن ۇسىندى. نۇر-سۇلتان قالاسىنىڭ تۇرعىندارى مەن قوناقتارى 50-دەن استام ازىق- تۇلىك ونىمدەرىن نارىق باعاسىنان 10-20 پايىزعا تومەن باعامەن ساتىپ الىپ جاتىر.
مىسالى، سيىر ەتى 2000 تەڭگەدەن، جۇمىرتقا 43 تەڭگەدەن، كارتوپ 140 تەڭگەدەن ساتىلۋدا. اقمولالىق شارۋالار جارمەڭكەگە بارلىعى 123 توننا ەت جانە شۇجىق ونىمدەرىن، 50 توننا ءسۇت جانە ءسۇت ونىمدەرىن، 8 توننا جاڭا بالىق، 394 مىڭ دانا جۇمىرتقا، 13 توننادان استام ۇن، 164 توننا كارتوپ، 54 توننا كوكونىس، 3 توننادان استام كونديتەرلىك جانە نان-توقاش ونىمدەرىن جانە 3 توننا باسقا باكالەيا ونىمدەرىن اكەلدى.
اقمولا وبلىسى اكىمىنىڭ ورىنباسارى عالىمجان ءابدىقالىقوۆتىڭ ايتۋىنشا، ەلوردا تۇرعىندارىنا ءوڭىردىڭ ءونىمى تانىس.
«ءبىزدىڭ تاۋار وندىرۋشىلەر ەلوردا نارىعىنا ءوز ونىمدەرىن تۇراقتى جەتكىزىپ تۇرادى. ولاردىڭ اراسىندا سۇرانىس جوعارى «گورمولزاۆود» ج ش س جانە «رودينا» ج ش س ءسۇت ونىمدەرى، «بيجان» ج ش س شۇجىق ونىمدەرى بار. سوندىقتان، تاڭەرتەڭ جارمەڭكەدە حالىق قاراسى كوپ بولدى»، - دەدى عالىمجان ءابدىقالىقوۆ.
ايتا كەتەيىك، ءىس- شارا سانيتارلىق نورمالاردى ساقتاي وتىرىپ ءوتىپ جاتىر. جارمەڭكەگە تۇراقتى كەلۋشى ۆيتاليي كازانتسيەۆ قالاعان سۇيىكتى تاۋارىن ءتيىمدى باعامەن ساتىپ الۋ ءۇشىن جارمەڭكەگە ەرتە كەلگەن.
«اقمولا وبلىسىنىڭ ءونىمى قايتالانباس دامىمەن تانىمال. جىل سايىن مەن مىندەتتى تۇردە ەت پەن ماي ساتىپ الامىن. بۇگىن ادەيى ەرتە كەلدىم. ازىق-تۇلىكتىڭ ساپاسىنا وتە ريزامىز»، - دەپ ءبولىستى تۇرعىن.
ايتا كەتەيىك، ءوڭىردىڭ اۋىل شارۋاشىلىعى تاۋار وندىرۋشىلەرى ەلوردا نارىعىنا ازىق- تۇلىكتى ۇزدىكسىز جەتكىزىپ كەلەدى. قالا تۇرعىندارىنىڭ ەت پەن سۇتكە دەگەن سۇرانىسى ۇشتەن بىرگە، جۇمىرتقا بويىنشا 90 پايىزعا قامتاماسىز ەتىلەدى. جىل باسىنان بەرى ەلوردا نارىعىنا شامامەن 100 مىڭ توننا ءسۇت ونىمدەرى، 23,5 مىڭ توننا ەت ونىمدەرى، 202 ميلليون دانا جۇمىرتقا جەتكىزىلدى.
ەلوردادا AQMOL مامانداندىرىلعان دۇكەندەرى جۇمىس ىستەيدى، وندا اقمولالىق تاۋار وندىرۋشىلەردىڭ ونىمدەرىنىڭ باعاسى باسقا دۇكەندەرگە قاراعاندا 10-30 پايىزعا تومەن. اقمولا وبلىسى ەلورداداعى وڭىرلىك جارمەڭكەلەر سيكلىن اياقتايدى.
اۆتور: اسلان وسپانوۆ
