ت ج م: جارىلىس بولعان قويمادا 500 توننادان استام تروتيل بولعان

نۇر- سۇلتان. قازاقپارات – ق ر توتەنشە جاعايلار مينيسترلىگى جامبىل وبلىسىنىڭ كوروليەۆكا كەنتىندەگى اسكەري قويمادا بولعان جارىلىس تۋرالى تىڭ مالىمەتتەر ۇسىندى، دەپ حابارلايدى قازاقپارات ءتىلشىسى.

مينيسترلىكتىڭ باسپا ءسوز قىزمەتى تاراتقان مالىمەت بويىنشا، توتەنشە وقيعا كەزىندە جالپى اۋدانى 697 شارشى مەتر بولاتىن قويما عيماراتىن جالىن شارپىعان.

«جارىقشاقتاردىڭ ۇشۋ راديۋسى 2 شاقىرىمعا دەيىن جەتتى. قازىرگى مالىمەت بويىنشا، قويمادا 500 توننادان استام تروتيل ساقتالعان. تاعى ءبىر مالىمەت بويىنشا اۋرۋحاناعا 90 عا جۋىق ادام تۇسكەن. ونىڭ 49 ى توتەنشە جاعدايلار دەپارتامەنتىنىڭ قىزمەتكەرلەرى»، - دەپ جاززىلعان رەسمي دەرەكتە.

ايتا كەتەيىك، 26-تامىز كۇنى ساعات 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى. سوڭعى رەسمي دەرەكتەر بويىنشا، جامبىل وبلىسىنداعى جارىلىستان 4 اسكەري قىزمەتشى قازا تاپقان.

«ەڭ الدىمەن وسى اپاتتا، ءورت ءسوندىرۋ بارىسىندا قازا تاپقان 4 اسكەري قىزمەتشىنىڭ جاقىن تۋىستارىنا كوڭىل ايتامىز جانە جاراقاتتانعان قىزمەتشىلەرگە تەزىرەك ساۋىعىپ كەتۋلەرىن تىلەيمىز»، - دەدى ق ر قورعانىس ءمينيسترى جامبىل وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

جامبىل وبلىسى اكىمىنىڭ باسپا ءسوز قىزمەتى اۋرۋحانادا جارىلىستان زارداپ شەككەن 27 ادام جاتقانىن حابارلادى. ونىڭ التاۋىنىڭ جاعدايى اۋىر. جالپى اۋرۋحاناعا 88 ادام جۇگىنگەن. پرەزيدەنت قاسىم- جومارت توقايەۆ Twitter- دە جامبىل وبلىسىنداعى جاعداي باقىلاۋعا الىنعان جازعان بولاتىن.