قاراعاندىدا جوعارى لاۋازىمدى شەنەۋنىك 500 ادامعا ۇزاتۋ تويىن جاسادى - ۆيدەو
بۇل جاعدايدى موبيلدى توپ تىركەدى. مەيرامحانانىڭ قىزمەتى توقتاتىلدى، دەپ حابارلايدى قازاقپارات ءتىلشىسى.
قاراعاندىداعى مەيرامحانالاردىڭ بىرىندە موبيلدى توپ وكىلدەرى كارانتيندىك شەكتەۋدىڭ بۇزىلۋ فاكتىسىن انىقتادى. بەلگىلى بولعانداي، وندا 500 ادام شاقىرىلىپ، قىز ۇزاتۋ وتكىزگەن. الەۋمەتتىك جەلىلەردە مەيرامحانا ماڭىنا كوپ كولىك جينالعانى تۋرالى ۆيدەو جاريالاندى. ءىس-شارانى وبلىستىڭ جوعارى لاۋازىمدى شەنەۋنىكتەرىنىڭ ءبىرى ۇيىمداستىرعان.
«سانيتارلىق-ەپيدەميولوگيالىق شارالاردىڭ بۇزىلۋىنا بايلانىستى «اريستا» مەيرامحاناسىنىڭ يەلەرىنە قاتىستى نىساننىڭ قىزمەتىن توقتاتۋ بويىنشا شارا قابىلدانادى. حالىقتىڭ COVID-19 اۋرۋىنىڭ وسۋىنە قاراماستان، مەكەمە يەلەرى مەن بۇقارالىق شارا ۇيىمداستىرۋشىلار جاقىندارىنا ينفەكسيانىڭ جۇعۋى مەن تارالۋ قاۋپىن توندىرەتىنى وتە وكىنىشتى. بۇل ماسەلە قاراعاندى قالاسى اكىمدىگىنىڭ، قۇقىق قورعاۋ ورگاندارىنىڭ جانە مونيتورينگ توبىنىڭ جەكە باقىلاۋىندا»، - دەپ ءتۇسىندىردى قاراعاندى قالالىق اكىمدىگى.
موبيلدى توپتار بۇزۋشىلىقتاردى انىقتاۋ جۇمىسىن جالعاستىرىپ جاتىر. رەسمي ەمەس مالىمەتكە سەنسەك، بۇل شەنەۋنىك - قاراعاندى وبلىستىق جەر قاتىناستارى باسقارماسىنىڭ باستىعى.
