الماتىدا كوپبالالى وتباسى بالالارىنا 500 نوۋتبۋك بەرىلدى

«SALIQALY URPAQ» قايىرىمدىلىق قورى وقۋ وزاتتارى مەن جاقسى وقيتىن وقۋشىلارعا قايتارىمسىز 500 نوۋتبۋكتى پايدالانۋعا بەردى. قازىرگى ۋاقىتتا قاشىقتان وقۋ فورماتىن ەسكەرە وتىرىپ، بۇل وتە جاقسى كومەك. بۇل بالالاردىڭ ساپالى ءبىلىم الۋلارىنا مۇمكىندىك بەرەدى دەپ ويلايمىن. اتاپ وتەتىنى، كارانتين بىتكەننەن كەيىن اتالعان نوۋتبۋكتار بالالارعا سىي رەتىندە قالادى. بۇل كومپيۋتەرلەر بالالارعا وليمپيادالارعا، عىلىمي زەرتتەۋلەرگە قاتىسقان كەزدە قاجەت بولادى»، - دەدى ءلاززات جىلقىبايەۆا.

«SALIQALY URPAQ» قوعامدىق قورىنىڭ ديرەكتورى قاسىم قاسابەكوۆتىڭ ايتۋىنشا، نەگىزگى ماقسات - بالالاردىڭ بولاشاعىنا ۇلەس قوسۋ. «SALIQALY URPAQ» قوعامدىق قورى ءتۇرلى سەبەپتەرمەن نوۋتبۋك ساتىپ الا المايتىن وتباسىلارعا كومەكتەسۋ ءۇشىن 500 نوۋتبۋكتى الماتى قالاسىنىڭ ءبىلىم باسقارماسىنا بەردى. ءبىزدىڭ ماقساتىمىز - ۇرپاعىمىزدىڭ ءبىلىم الۋىنا ۇلەس قوسۋ، سەبەبى ءبىلىمدى ۇرپاق - ەلدىڭ بولاشاعى. بۇگىنگى اكتسيانىڭ كومەگىمەن ءبىز بالالار مەن ۇرپاعىمىزدىڭ جارقىن بولاشاعىنا سەبەپكەر بولىپ وتىرمىز»، - دەدى قاسىم قاسابەكوۆ.

شارا بارىسىندا الاتاۋ، ناۋرىزباي، تۇركسىب اۋداندارىنىڭ كوپبالالى انالارىنا جاڭا نوۋتبۋكتار تابىس ەتىلدى.

«قاشىقتان وقىتۋ كەزىندە الماتى اكىمدىگى بىزگە كوپ كومەكتەستى. مەكتەپتەن بىزگە ەكى نوۋتبۋك جانە ەكى سيم كارتا ءبولىندى. ۇيدە 6 بالا بولعاننان كەيىن، وكىنىشكە قاراي، وقۋعا ەكى نوۋتبۋك بىزگە ازدىق ەتتى. ەندى قازىر بىزگە «SALIQALY URPAQ» قورى تاعى ءبىر نوۋتبۋكتى سىيعا تارتتى. العىسىمىز شەكسىز. بۇل بالالارىمنىڭ وقۋدا جوعارى جەتىستىكتەرگە جەتۋلەرىنە كومەكتەسەدى دەپ ويلايمىن»، - دەدى التى بالانىڭ اناسى جاڭىلسىن وتبايەۆا.

كوروناۆيرۋس ينفەكتسياسىنىڭ تارالۋىنىڭ الدىن الۋ ءۇشىن وقۋ جىلىنىڭ باسىنان بەرى الماتى قالاسىنىڭ بارلىق مەكتەپتەرى قاشىقتان وقۋ فورماتىنا اۋىستىرىلعان ەدى. الماتى قالاسىنىڭ اكىمى باقىتجان ساعىنتايەۆتىڭ تاپسىرماسىمەن بيۋدجەت قارجىسىنىڭ ەسەبىنەن77 مىڭ ءمۇعالىم مەن وقۋشى كومپيۋتەرلىك تەحنيكامەن قامتاماسىز ەتىلەدى. بۇگىندە شامامەن 50 مىڭى بەرىلدى. قالعان تەحنيكا 15-قىركۇيەككە دەيىن تاپسىرىلادى. اتا- انالارمەن ءتيىستى ءتۇسىندىرۋ جۇمىستارى جۇرگىزىلىپ جاتىر.