«500 ادام ىزدەستىرىلۋدە»: الماتىنىڭ باس سانيتارلىق دارىگەرى اقپاراتقا تۇسىنىك بەردى
الماتى. قازاقپارات - الماتى قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا كوروناۆيرۋستى جۇقتىرعاندارمەن بايلانىستا بولعان «500 ادامدى ۇلتتىق قاۋىپسىزدىك كوميتەتى مەن پوليتسيا ىزدەستىرىپ جاتقانى» تۋرالى اقپاراتقا تۇسىنىك بەردى، دەپ حابارلايدى قازاقپارات.
«488 ادام - بۇلار ساناتتار بويىنشا مەديتسينالىق باقىلاۋعا الىنۋى ءتيىس تۇلعالار. ولاردىڭ بارلىعى كوروناۆيرۋستى جۇقتىرعاندارمەن نەمەسە كۇدىك كەلتىرىلگەندەرمەن قارىم- قاتىناستا بولدى دەگەندى بىلدىرمەيدى. اتالعان تۇلعالار ناۋقاستارمەن بايلانىستا بولماعان جانە وقشاۋلاۋعا جاتپايدى. دەگەنمەن دە، ولاردى ىزدەستىرۋ جانە مەديتسينالىق باقىلاۋعا الۋ شارالارى جالعاستىرىلۋدا»، - دەپ ءتۇسىندىردى ايزات مولداعاسىموۆا.
ايتا كەتەيىك، كوروناۆيرۋس انىقتالعان ەلدەردەن بيىلعى 10-اقپاننان بەرى قازاقستانعا كەلىپ جاتقان ازاماتتار مەديتسينا قىزمەتكەرلەرى تاراپىنان باقىلاۋعا جانە كاتارالدى بەلگىلەر بايقالعان جاعدايدا قاداعالاۋعا الىنادى. ا. مولداعاسىموۆا سونداي-اق كوروناۆيرۋستى جۇقتىرعاندارمەن بايلانىستا بولعان تۇلعالارمەن جۇرگىزىلىپ جاتقان جۇمىستار تۋرالى ايتتى.
«كوروناۆيرۋس ينفەكسياسى وڭ ناتيجە بەرگەن گەرمانيا ازاماتىمەن بارلىعى 68 ادام كەلگەن. ولاردى ينفەكتسيالىق ستاتسيونارعا وقشاۋلاۋ بويىنشا جۇمىستار جۇرگىزىلۋدە»، - دەدى ول.
وسى ۋاقىتتا قازاقستاندا كوروناۆيرۋس ينفەكسياسىن جۇقتىرۋدىڭ 4 جاعدايى تىركەلدى. ونىڭ ءبىرى يتاليانىڭ ميلان قالاسىنان نۇر- سۇلتانعا ۇشىپ كەلگەن ازاماتتان انىقتالدى. ءۇش ادام گەرمانيادان الماتىعا اۋە قاتىناسىمەن كەلگەن. بارلىعى اۋرۋحاناعا جاتقىزىلدى.
