قازاقستاندا 500 دەن استام بوسقىن بار
«قازاقستاندا بوسقىندارعا قاتىستى زاڭ 2011-جىلى قابىلداندى جانە بۇگىندە وسى ماسەلەمەن ىشكى ىستەر مينيسترلىگى اينالىسادى. ستاتيستيكاعا كەلسەك، بۇگىنگى كۇنى ەلىمىزدە 523 بوسقىن بار، ونىڭ 509 ى اۋعانستاننان كەلگەن. قالعانى باسقا ەلدەردەن كەلگەن. حالىقارالىق كونۆەنتسياعا سايكەس، مەملەكەتكە كەلگەندە ولاردىڭ جاعدايى ارنايى كوميسسيا وتىرىسىندا قارالىپ، سودان سوڭ بوسقىن كۋالىگى بەرىلەدى. سونداي-اق، ءبىزدىڭ ەلدە ولارعا مەملەكەتتەر اراسىندا ءجۇرىپ تۇرۋى ءۇشىن كولىكتىك قۇجات بەرىلەدى. قازىرگى ۋاقىتتا بوسقىنداردىڭ ەلدەر اراسىندا كەدەرگىسىز ءجۇرىپ تۇرۋى ءۇشىن اتالعان قۇجاتتى ەلەكتروندى تۇردە بەرۋدى كوزدەپ وتىرمىز. وندا سونىمەن قاتار بوسقىنعا قاتىستى بيومەتريالىق دەرەكتەر بولادى»، - دەدى ب. نۇرىمبەتوۆ.
بۇعان دەيىن حابارلاعانىمىزداي، مينيستر قازاقستاندىقتاردىڭ قاي ەلدەرگە ءجيى قونىس اۋداراتىنى تۋرالى ايتىپ بەردى.
