زەرتتەۋشىلەر500 جىلعا جوسپارلانعان عىلىمي تاجىريبەنىڭ العاشقى قورىتىندىسىن شىعاردى

  استانا. قازاقپارات - شوتلانديالىق زەرتتەۋشىلەر 500 جىلعا جوسپارلانعان عىلىمي تاجىريبەنىڭ العاشقى قورىتىندىسىن شىعاردى، - دەپ جازادى PLOS ONE باسىلىمى.

ەرەكشە جوبا 2014 -جىلى باستالعان. 2514 -جىلى اياقتالۋى ءتيىس. ماقساتى - باكتەريانىڭ وقشاۋ قالىپتا قانشا ۋاقىت ءومىر سۇرە الاتىنىن انىقتاۋ، قانداي دا ءبىر وزگەرىسكە ۇشىراعانىنان ناتيجە شىعارۋ. زەرتتەۋشىلەر ميكرواعزا وقشاۋلانعان جاعدايدا قانشالىقتى ءومىر ءسۇرۋ قابىلەتتىلىگىن تومەندەتەتىنىن انىقتاعىسى كەلگەن. قانداي تۇرلەرى ۇزاققا شىدايتىنىن، قانداي تۇرلەرى تەز جويىلاتىنىن دا نازارعا الماق.

 شوتلانديالىق زەرتتەۋشىلەرگە امەريكالىق جانە نەمىس عالىمدارى دا كومەك قولىن سوزعان. تاجىريبە ءۇشىن ءشوپ تاياقشاسىن (Bacillus subtilis) تاڭداعان. بۇل باكتەريالار كەز كەلگەن قاۋىپتى جاعدايلارعا ءتوزىمدى بولىپ كەلەدى ەكەن. تاڭدالعان باكتەريانى اۋا كىرمەيتىن اينەك قۇتىدا ساقتاپ كەلەدى. باستاپقى 24 جىلدا باكتەريانى 2 جىلدا ءبىر رەت اشىپ باقىلاپ كورەدى. كەيىننەن 25 جىلدا ءبىر رەت قانا اشىپ زەرتتەمەك. باكتەريا سالىنعان ءبىر قوراپ قۇتى ەدينبۋرگ ۋنيۆەرسيتەتىندە، ەكىنشىسى لوندون جاراتىلىستانۋ مۇراجايىندا ساقتالىپ كەلەدى. جۋىردا زەرتتەۋشىلەر تاجىريبەنىڭ العاشقى ناتيجەلەرىن جاريالادى. باكتەريا ءومىر ءسۇرۋ بەيىمدىگىن ەش جوعالتپاعان. ايتكەنمەن زەرتتەۋشىلەر بۇعان قامىعىپ وتىرعان جوق. ولار ۇزاققا سوزىلاتىن تاجىريبە ەندى عانا باستالعانىن العا تارتتى.

Massaget.kz