قازاقستاندا تۇڭعىش رەت الەمدىك 500 حور ءارتىسى ونەر كورسەتەدى
ونەرپازدار «استانا - الەم داۋىسى» حالىقارالىق فەستيۆالىنىڭ گالا-كونسەرتى اياسىندا الەمدىك جانە ۇلتتىق شىعارمالاردى ورىندايتىن بولادى. بۇل تۋرالى مادەنيەت جانە سپورت مينيسترلىگى مەن «قازاقستان حور ديريجەرى» رەسپۋبليكالىق قوعامدىق بىرلەستىگىنىڭ ۇيىمداستىرعان باسپا ءسوز كونفەرەنسياسىندا ايتىلدى.
جالپى شارا 5 -قازان كۇنى باستالعان ەدى. سودان بەرى شەتەلدەن كەلگەن ونەرپازداردىڭ دوستىق كونسەرتتەرى ءوتىپ، شەبەرلىك ساباقتارى وتكىزىلدى.
10 -قازان - فەستيۆالدىڭ سوڭعى كۇنى. سوعان وراي ەلوردالىق تۇرعىندار مەن قوناقتاردىڭ نازارىنا گالا- كونسەرت ۇسىنىلادى.
«استانا - الەم داۋىسى» فەستيۆالى بەس قۇرلىقتىڭ باسىن قوستى. قازاق ەلىندە حور مۋزىكاسى جاقسى دامىعان ەكەن. بولاشاقتا ەكىتاراپتى سەرىكتەستىك ورناتىپ، تاجىريبە الماسۋدى جوسپارلاپ وتىرمىز»، - دەدى حور مۋزىكاسى حالىقارالىق فەدەراتسياسىنىڭ پرەزيدەنتى ەميلي كۋو ۆوڭ.
