پەرۋدە 500 جىل بۇرىن جاپپاي جەرلەنگەن بالالاردىڭ مايىتتەرى تابىلدى

استانا. قازاقپارات -  پەرۋدىڭ سولتۇستىگىندە ارحەولوگتار 500 جىل بۇرىن جاپپاي جەرلەنگەن بالالاردىڭ ءمايىتىن تاپتى. ترۋحيلو قالاسىنىڭ ماڭىنداعى قورىم قۇرباندىققا شالۋ ورنى بولعان.

قازبا جۇمىستارىنىڭ ناتيجەسىندە ماماندار 140 بالا مەن 200 تاۋتايلاقتىڭ سۇيەكتەرىن ارشىپ شىعارعان.

 National Geographic جۋرنالىنىڭ جازۋىنشا، بۇل - تاريحتاعى ەڭ ءىرى بالالاردى جاپپاي جەرلەۋ قورىمى. ايتا كەتەيىك، شامامەن X عاسىردا پايدا بولعان چيمۋ مادەنيەتى پەرۋدەن ەكۆادور اۋماعىنا دەيىن تارالعان. 1470 -جىلى ولاردى ينكتەر جاۋلاپ، ودان كەيىن XVI عاسىردا يسپاندىقتاردىڭ شابۋىلىنان تولىقتاي جويىلىپ كەتكەن.

 گابريەل پريەتو، ارحەولوگ:

 - قورىمدا تابىلعان مايىتتەردىڭ بارلىعى - 5 پەن 15 جاس ارالىعىنداعى بالالار. ولاردى كەۋدەلەرى كەسىلىپ، جۇرەكتەرى الىنعان. X- XV عاسىرلار ارالىعىندا داۋلەت قۇرعان چيمۋ مادەنيەتىندە ءوز ۇرپاقتارىن قۇرباندىققا وسىلاي شالعان.

www.24.kz