قۇرمانعازىنىڭ كۇيىن 500 دومبىراشى كۇمبىرلەتەدى
استانا قالالىق مادەنيەت جانە سپورت باسقارماسىنىڭ ۇيىتقى بولۋىمەن وتەتىن شارا وتانشىلدىققا تاربيەلەۋ، قازاق حالقىنىڭ مادەنيەتى مەن مۋزىكاسىن دامىتۋ ماقساتىن كوزدەيدى. وعان تانىمال ايتىسكەر اقىندار جانداربەك بۇلعاقوۆ پەن سارا توقتامىس تا قاتىسادى.
«ەلوردانىڭ 20 -جىلدىق مەرەيتويىن مەرەكەلەۋگە ارنالعان «ۇلى دالا ءۇنى» اۋقىمدى دومبىرا-فلەشموبىنا كەز كەلگەن ادام مۋزىكانت رەتىندە دە، كورەرمەن رەتىندە دە قاتىسا الادى. اشىق اسپان اياسىندا مەرەكەلىك ونەر كورسەتۋ بارىسىندا جينالعان قاۋىم قازاقتىڭ ۇلتتىق مۋزىكا اسپابىنىڭ ۇنىنەن ءلاززات الادى»، - دەلىنگەن استانا قالالىق مادەنيەت جانە سپورت باسقارماسىنىڭ باسپا ءسوز قىزمەتى تاراتقان اقپاراتتا.
ايتا كەتەرلىگى، فلەشموبقا قاتىسۋ ءۇشىن dombyra-flashmob.kz سايتىندا تىركەلىپ، ءوزى جايلى بايلانىس مالىمەتتەرىن قالدىرۋ قاجەت. شارا 1- مامىر كۇنى ساعات 15:00 دە وتەدى.
