اقشا تىم كوپ: كانادادا 500 دارىگەر ءوز جالاقىلارىنىڭ كوتەرىلۋىنە قارسى شىقتى

 ولار ايلىق جالاقىنىڭ ءوسۋىن نەگىزسىز دەپ تانىپ، ول قارجىنى مەيىربيكەلەر مەن مۇقتاج ناۋقاستارعا ءبولۋدى ۇسىندى.

بۇل تۋرالى شەتەلدىك newsweek.com باسىلىمىنا سىلتەپ Stan.kz اقپاراتتىق اگەنتتىگى حابارلايدى.

«ءبىز، كۆەبەك دارىگەرلەرى، ءوز جالاقىمىزدىڭ كوتەرىلۋىنە قارسىمىز» ، - دەپ جازىلعان حاتتا.

اتالعان قۇجاتقا 700 گە جۋىق ادام قول قويعان. ونىڭ ىشىندە: 213 دارىگەر، 149 دارىگەر- رەزيدەنت پەن 162 ستۋدەنت بار.

دارىگەرلەردىڭ ايتۋىنشا، مەيىربيكەلەردىڭ جۇمىسى ارتىپ، ناۋقاستارعا تەگىن كورسەتىلەتىن قىزمەت تۇرلەرى قىسقارىپ جاتقاندا دارىگەرلەردىڭ جالاقىسىن جوعارىلاتۋ نەگىزسىز.

« ءبىز، كۆەبەك دارىگەرلەرى جالاقىمىزدىڭ كوتەرىلۋىنە قارسىمىز جانە ارتىلعان قاراجاتتى دەنساۋلىق ساقتاۋ سالاسىنىڭ وزگە قىزمەتكەرلەرى مەن ناۋقاستارعا ءبولۋدى ۇسىنامىز» ، - دەلىنگەن حاتتا.

ستاتيستيكاعا سايكەس، 2016 -جىلى كانادادا ءار دارىگەر ورتا ەسەپپەن ءبىر جىلدا 260 مىڭ ا ق ش دوللارىنان اسا پايدا تاپقان.