شۆەيساريالىق قازاقستاننىڭ 500 تەڭگەلىكتەگى شاعالا بەينەسىنىڭ اۆتورلىعىنا تالاسۋدا

سۋرەتشى ۇلتتىق بانك وتەماقى تولەسە باس تارتپايتىندىعىن جەتكىزدى.

«مەن ءۇشىن سۋرەتىمنىڭ بانكنوتاعا باسىلعانى ۇلكەن مارتەبە. فوتوشوپتا سۋرەتىمدى بانكنوتانىڭ ۇستىنە بەتتەستىرىپ كوردىم. كۇمانىم قالمادى. بۇل سۋرەتتى مەن شۆەيتساريادا تۋن كولىندە تۇسىرگەم. كەيىن سۋرەت 2005 -جىلى ۋيكيپەدياعا شىقتى. جۇما كۇنى بۇل سۋرەت قازاقستاندا جاڭا بانكنوتانىڭ ۇستىنە باسىلاتىنىن ەستىدىم. كەيىن رەپورتاجداردى وقىدىم، گرافيكالىق ديزاينەر ينتەرنەتتەن سۋرەت الىپ، وزىنىكى رەتىندە پايدالانۋى دۇرىس ەمەس دەپ سانايمىن»، - دەدى مارسەل بۋركحارد.

شەتەلدىك سۋرەتشى شۋ كوتەرىپ، داۋلاسۋدان اۋلاق ەكەندىگىن ءبىراق بۇل ءىستى جىلى جاۋىپ قويۋعا بولمايتىندىعىن ايتتى.

«مەن ادامدارعا زيان كەلتىرگىم كەلمەيدى. ءبىراق، ەگەر گرافيكالىق ديزاينەر مەنىڭ جۇمىسىم ءۇشىن قالاماقى العان بولسا، مەنى دە ۇلتتىق بانك اۆتور رەتىندە مويىنداۋى ءتيىس. سونداي- اق، وتەماقى العانىم ورىندى بولادى»، - دەدى مارسەل بۋركحارد.

ايتا كەتۋ كەرەك، جاقىندا ق ر ۇلتتىق بانكى نومينالى 500 تەڭگە بولاتىن جاڭا بانكنوتتىڭ تۇساۋىن كەسكەن بولاتىن.

 اقشانىڭ ءبىر بەتىندە قازاق ەلى مونۋمەنتى مەن كوگەرشىندەر، ال ەكىنشى بەتىندە كاسپي تەڭىزى، شاعالانىڭ سۋرەتى بەينەلەنگەن.

جەلى قولدانۋشىلارىنىڭ ءبىرى اقشاداعى سۋرەتتىڭ ۋيكيپەديا رەسۋرسىنداعى سۋرەتكە ۇقسايتىندىعىن جازعان.

كەيىنىرەك شۆەيتساريالىق فوتوگراف مارسەل بۋركحارد بۇل كۋپيۋراداعى شاعالانىڭ اۆتورى ءوزى ەكەندىگىن جاريالادى.

ق ر ۇلتتىق بانكى شەتەلدىك ونەرپازدىڭ سۇراعىنا جاۋاپ بەردى.

ولاردىڭ ايتۋىنشا، شاعالانىڭ بەينەسى تابيعي كومپونەنت رەتىندە پايدالانىلعان.

ق ر ۇلتتىق بانكى 500 تەڭگەلىك بانكنوتاداعى شاعالانىڭ ءتۇر سيپاتى، قاناتتىلاردىڭ وسى تۇرىنە جاتاتىن بارلىق قۇستارعا ءتان سيپات بولعاندىقتان، مۇنداي سۋرەتتەر وتە كوپ ەكەندىگىن العا تارتتى.

اۆتور: گۇلميرا عوسمانالي