ارحەولوگتار 500 جىل بويى مۇزعا قاتىرىلعان قىزدىڭ قۇپياسىن اشتى - فوتو
استانا. قازاقپارات - 14-15 جاستاعى قىز بالا شامامەن 500 جىل بۇرىن قاتىرىلعان. ونىڭ جانىندا 7 جاسار ۇل بالانى جانە 6 جاسار قىز بالانىڭ دەنەسىدە بولعان.
عالىمدار قىزدىڭ دەنەسىندەگى اقۋىزداردى تەكسەرىپ، ونىڭ جۇقپالى دەرتپەن اۋىرعانىن انىقتادى. تۋبەركۋلەزگە ۇقساس اۋرۋ العاش رەت وسى مۋميادا بولعان.
نيۋ-يورك ۋنيۆەرسيتەتىنىڭ عالىمدارى قاتىرىلعان مۋميانى زەرتتەدى.
مۋميا 1999 -جىلى ليۋليايلياكو جانارتاۋىنان تابىلدى. جانارتاۋ چيلي مەن ارگەنتينا شەكاراسىندا تەڭىز دەڭگەيىنەن 6739 مەتر بيىكتىكتە ورنالاسقان.
ءۇش مۋميانىڭ جانىنان التىن، كۇمىس، كيىم، باس كيىم، قۇستىڭ قاۋىرسىندارى تابىلعان. ماماندار ولاردى ينك تايپاسىنان شىققان دەپ بولجايدى.
تاريحشىلاردىڭ مالىمەتىنشە، ءۇش بالا ادەمىلىگى ءۇشىن تاڭدالىپ الىنعان. سونىمەن قاتار بالالار ەرەسەكتەرگە قاراعاندا تازا دەپ سانالادى. ينكتەر بالالاردى قۇرباندىققا كوپ شالماعان.
بولجام بويىنشا، بالالاردى قۇربان ەتپەس بۇرىن ولاردى قۇنارلى تاعامدارمەن، لاما ەتىمەن اۋقاتتاندىرعان.
