قىتايلىق وتباسىنىڭ 500 دەن استام مۇشەسى بىرگە سۋرەتكە تۇسكەن

استانا. قازاقپارات - «ەڭ كەرەمەت وتباسىلىق سۋرەت» اي كۇنتىزبەسى بويىنشا قىتاي جاڭا جىلىن تويلاپ جاتقان كەزدە جاسالعان.

بۇل فوتو عالامتوردا ۇلكەن تانىمالدىلىققا يە بولدى، دەپ حابارلايدى شينحۋا.

ارنايى قۇرىلعىنىڭ كومەگىمەن شىعىس قىتايداعى جىجياڭ پروۆينسياسى شىنجوۋ قالاسى شيشە اۋىلىندا تۇسىرىلگەن سۋرەتكە جەن اۋلەتىنىڭ 500 دەن استام وتباسى مۇشەسى ىلىككەن. فوتوگرافيادا وتباسى مۇشەلەرىنىڭ 25 تەن 31 گە دەيىنگى ۇرپاعى بار. بۇل اۋلەتتىڭ مۇشەلەرى ەلدىڭ ءتۇرلى اۋماعىندا، بەيجىڭدە، شاڭحايدا، شىنجاڭ-ۇيعىر اۆتونوميالىق ولكەسىندە، تايلاندتا جانە ت. ب. تۇرادى. «شەجىرە كىتابىنا قوسىمشا مالىمەتتەر ەنگىزۋگە ەكى جارىم جىل جۇمسادىق»، - دەدى شيشە اۋىلىنىڭ ك پ ك ۇياشىعىنىڭ حاتشىسى جىن تۋانجە. كوكتەم مەرەكەسى اۋلەتتىڭ بارلىق مۇشەلەرىنىڭ باسىن قوسىپ، ءوز شەجىرەلەرىن ەسكە تۇسىرۋگە مۇمكىندىك بەردى.