17:11, 11 - قاڭتار 2017 | GMT +5
جالدامالى پاتەرلەردە 500 گە جۋىق ۇرى تۇرعان
استانا. قازاقپارات - ءى ءى م 2016 -جىلى جالدامالى پاتەرلەردە تۇرىپ، مۇلىكتى توناۋمەن اينالىسقان باسقا قالالىق «گاسترولەر- ۇرىلاردى» ۇستاۋ ماقساتىندا وتكىزىلگەن جەدەل- ىزدەستىرۋ جانە ارنايى ءىس- شارالارعا ساراپتاما جاسادى.

بۇل تۋرالى ۆەدومستۆونىڭ باسپا ءسوز قىزمەتى حابارلادى.
2016 -جىلى رەسپۋبليكاداعى پوليتسيا قىزمەتكەرلەرى جالدامالى پاتەرلەر مەن قوناق ۇيلەردە تۇرىپ، مۇلىكتى قولدى ەتۋگە قاتىستى 830 قىلمىس جاساعان 497 «گاسترولەر- ۇرىنى» ۇستادى.
اقمولا وبلىسىنىڭ 54 جاستاعى تۇرعىنىنىڭ استانادا تۇرىپ، 5 -قاراشادان 7 -جەلتوقسانعا دەيىن 6 رەت ۇرلىق جاساعانى دالەلدەندى.
37 جاسار شىعىس- قازاقستان وبلىسىنىڭ تۇرعىنى 20-قىركۇيەكتەن 25-قاراشا ارالىعىندا استانا قالاسىنىڭ ابىلاي حان داڭعىلىندا پاتەر جالداپ، 5 رەت بىرەۋدىڭ مۇلكىن قولدى ەتكەنى ءۇشىن تۇتقىندالدى. قازىرگى تاڭدا تەرگەۋ جۇمىستارى جۇرگىزىلۋدە.