امەريكالىق پوليتسيا قۋعىن كەزىندە 500 رەت اتىپ، قىلمىسكەرگە ءۇش رەت قانا وق تيگىزگەن
استانا. قازاقپارات - ا ق ش- تىڭ لۋيزيانا شتاتىندا قۇقىق قورعاۋشى ورگاننىڭ قىزمەتكەرلەرى ايەل ۇرلاعان قىلمىسكەردى 500 رەت اتىپ، ءۇش رەت قانا تيگىزگەن.
بۇل تۋرالى The New Orlean's Advocate باسىلىمى حابارلايدى.
29 -قاراشا كۇنى كريستوفەر گارسي Backpage.com ارقىلى بەيتانىس ايەلمەن جولىعۋعا ۋادەلەسەدى. ارتىنشا الگى ايەلگە جالا جاۋىپ، ءوزىنىڭ پوليتسيا ەكەنىن ايتىپ، ونى كولىگىنە وتىرعىزادى.
ولار ماندەۆيل قالاسىنىڭ ماڭىنا كەلگەن كەزدە ايەل قاشىپ ۇلگەرەدى. اينالاداعىلاردى كومەككە شاقىرادى. پوليتسيا مەن قىلمىسكەر اراسىنداعى قۋعىن 60 ك م- گە سوزىلعان. گارسي اتىس كەزىندە پوليتسيانى بالاعاتتاپ ۆيدەو تۇسىرگەن. ازامات وقيعا ورنىنا اناسى كەلگەن كەزدە عانا قارۋىن تاستاعان.
قۋعىن كەزىندە پوليتسيا 500 وق اتقان. الايدا سول وقتاردىڭ تەك ۇشەۋى عانا قىلمىسكەرگە تيگەن ەكەن. شەريف بۇعان اينالادا تۇرعان زاتتاردىڭ كەدەرگى بولعانىن ايتقان.
