تاكسي جۇرگىزۋشىسى 500 مىڭ دوللاردى يەسىنە قايتارىپ بەردى

 استانا. قازاقپارات - بىرىككەن اراب امىرلىگىندەگى شاردجا قالاسىندا تاكسي جۇرگىزۋشىسى بولىپ جۇمىس ىستەيتىن پاكىستاندىق ناسرەللا شەر كولىكتە 1,7 ميلليون ديرحام (500 مىڭ ا ق ش دوللارى) اقشا سالىنعان سومكەنى ۇمىت قالدىرعان يەسىنە قايتارىپ بەردى

 ناسرەللا كولىكتەگى بوتەن سومكەنى شارجى اۋەجايىنان وڭتۇستىككورەيالىق كاسىپكەردى دۋبايعا جەتكىزىپ سالعاننان كەيىن بايقاعان. ارتىنشا دەرەۋ پوليتسياعا حابارلاپ، يەسىن تابۋعا جول ىزدەيدى.

«مەن بۇل ارەكەتىمە ەش وكىنبەيمىن. سەبەبى، مەن ءوز مىندەتىمدى اتقاردىم. شىن مۇسىلمان ءارقاشان ادال بولۋى كەرەك جانە ىزگى امال جاساۋى كەرەك» ، - دەيدى ناسرەللا شەر دولا.

 ال، ادامگەرشىلىكتەن اينىماعان تاكسي جۇرگىزۋشىسى شارجى كولىك جانە جول باسقارماسى تاراپىنان ارنايى العىس حاتىمەن جانە 3 مىڭ ديرحام قارجىلاي سىياقىمەن ماراپاتتالدى. بۇل قاراجاتتىڭ 1 مىڭ ديرحامىن تاكسي جولاۋشىسى، 2 مىڭىن باسقارما تاعايىنداعان.

ەسكە سالا كەتسەك، وتكەن جىلى امىرلىكتە تاكسي جۇرگىزۋشى يراندىق ازامات تا كولىكتە قالعان 13 مىڭ دوللاردى يەسىنە قايتارىپ بەرگەن بولاتىن.

Muslim.kz