بيىلعى جىلى 500 جاسوسپىرىم «جاس ۇلان» قاتارىنا قوسىلدى

استانا. قازاقپارات - رەسپۋبليكالىق اسكەري مەكتەپ- ينتەرناتتاردا تاربيەلەنۋشىلەردى وقۋعا ىرىكتەۋ اياقتالدى. اسكەري بولۋدى ارماندايتىن قازاقستاننىڭ تۇكپىر- تۇكپىرىنەن كەلگەن جاسوسپىرىمدەر كونكۋرستىق ىرىكتەۋدەن ءوتتى.

بيىلعى جىلى استانا، الماتى، شىمكەنت جانە قاراعاندى قالالارىنداعى «جاس ۇلان» ءتورت رەسپۋبليكالىق اسكەري مەكتەبىنە 497 ۇلان وقۋعا ءتۇستى.

بوزبالالارعا پسيحولوگيالىق تەستىلەۋدەن، دەنە دايارلىعىنان، مەديتسينالىق كۋالاندىرۋدان جانە ت. ب. وتۋگە تۋرا كەلدى. 2015 -جىلدان باستاپ مەكتەپكە 9-سىنىپتان كەيىن قابىلدايدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

وقىتۋ باعدارلاماسىنا مەملەكەتتىك جانە شەتەل تىلدەرىن، اسكەري پاندەردى وقۋ جانە كۇشەيتىلگەن دەنە دايىندىعى كىرەدى. مەكتەپتىڭ ءبىرشاما تۇلەكتەرى وفيتسەر اتانىپ، قازىرگى كەزدە قازاقستاننىڭ قارۋلى كۇشتەرىندە جانە وزگە دە الەۋەتتى قۇرىلىمداردا قىزمەت اتقارۋدا.

 جىل سايىن ەلىمىزدىڭ بارلىق ايماعىنان «جاس ۇلان» رەسپۋبليكالىق اسكەري مەكتەپتەرىنە 70 تەن باستاپ 100 بالاعا دەيىن وقۋعا تۇسەدى. جاسۇلاندىقتاردىڭ دايىندىق دەڭگەيى جىل سايىن ءوسىپ كەلەدى. وقىتۋ ۇدەرىسىنىڭ ءىس جۇزىندەگى ماڭىزدىلىعى جوعارلادى، تاربيەلەنۋشىلەردىڭ زياتكەرلىك تۇرعىدا دامۋىنا ەرەكشە كوڭىل بولىنەدى. بارلىق وقۋ- تاربيە پروتسەسى بالانىڭ كىشكەنتاي كەزىنەن باستاپ ءوز وتانىنا ادال بولۋىنا، ونى سۇيۋگە جانە ۇلتجاندى بولۋىنا باۋلۋعا باعىتتالعان.