الماتىدا استانا كۇنىنە ارنالعان ۆەلوشەرۋگە 500 دەن استام ادام قاتىستى - فوتو

الماتى. قازاقپارات - بۇگىن تاڭەرتەڭ الماتىدا داستۇرگە اينالعان كەزەكتى ۆەلوشەرۋ ءوتتى. بۇل جولى استانا كۇنىنە ارنالعان سپورتتىق شاراعا 500 دەن استام ادام قاتىستى، دەپ حابارلايدى الماتى قالاسىنىڭ دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن.

ءداستۇر بويىنشا ۆەلوشەرۋ «نۇرلى تاۋ» بيزنەس ورتالىعىنىڭ الدىنان تاڭعى ساعات 09:00 دە باستالدى. ۆەلوسيپەدشىلەر ءال-فارابي داڭعىلى ارقىلى باتىس باعىتتا ءجۇرىپ وتىرىپ، ق ر تۇڭعىش پرەزيدەنتى ساياباعى الدىنان مارەدەن ءوتتى. بۇل جولعى قاشىقتىق - 8 شاقىرىمدى قۇرادى. ۆەلوشەرۋدەن كەيىن قاتىسۋشىلار اراسىندا سۇراق-جاۋاپ بايقاۋى ۇيىمداستىرىلدى. اسقار يبرايموۆ، يسلام حالدجايەۆ جانە داۋرەن جادىقوۆ سىندى ۆەلوسيپەدشىلەر جەڭىمپاز اتانىپ، «Fitness Empire» فيتنەس- كلۋبىنىڭ ءبىر ايلىق ابونەمەنتىنە يە بولدى.

ايتا كەتەلىك، بۇل سپورتتىق ءىس-شارا الماتى قالاسىنىڭ «سپورتتىق الماتى» بۇقارالىق سپورتتى دامىتۋ باعدارلاماسى اياسىندا، ق ر تاۋەلسىزدىگىنىڭ 25 جىلدىعى مەن الماتى قالاسىنىڭ 1000 جىلدىعىنا وراي وتكىزىلىپ كەلەدى.