قاراعاندىدا جالعان حابارلاما سالدارىنان ساۋدا ورتالىعىنان 500 ادام قاۋىپسىز جەرگە شىعارىلدى - فوتو

قاراعاندى. قازاقپارات - قاراعاندىداعى «ورتالىق ۋنيۆەرسام دۇكەنى» ساۋدا ورتالىعىندا جارىلعىش قۇرىلعى ىزدەلدى.

7 -ماۋسىمدا، سەيسەنبى كەشكە قاراي ءىرى ساۋدا ورتالىعى ورنالاسقان قالا الاڭى قورشاۋعا الىندى. وقيعا ورنىندا جەدەل قىزمەت جانە پوليتسيا قىزمەتكەرلەرى ىسكە كىرىسىتى.

«ساعات 19:35 تە قاراعاندى ءى ءى ب ج ب و 102 تەلەفونىنا و ۋ د- دا جارىلعىش زات قويىلعاندىعى تۋرالى حابارلاما كەلىپ تۇسكەن. وقيعا ورنىنا جەدەل قىزمەتتەردىڭ بارلىعى كەلىپ جەتتى. ءى ءى د ساپەرلارى عيماراتتى تولىق ءتىنتىپ شىقتى، جارىلعىش قۇرىلعى تابىلمادى. ساعات 20:45 تە ىزدەۋ توقتاتىلدى»، - دەپ ءمالىم ەتتى وبلىستىق ءى ءى د باسپا ءسوز قىزمەتىنىڭ جەتەكشىسى باقىتجان قۇدياروۆ.

ونىڭ ايتۋىنشا، وقيعاعا بايلانىستى ساۋدا ورتالىعىنان كەلۋشىسى بار، قىزمەتكەرى بار 500 گە جۋىق ادام ەۆاكۋاتسيالاندى.

«پوليتسيا قىزمەتكەرلەرى قوڭىراۋ شالىنعان تەلەفون ءنومىرىن انىقتادى. قازىر كۇدىكتىنى انىقتاۋ جانە قولعا ءتۇسىرۋ شارالارى جاسالۋدا. ماتەريال ءبىرىڭعاي سوتقا دەيىنگى تەرگەۋلەر تىزىلىمىندە ق ر ق ك 273- بابى بويىنشا (قاساقانا تەرروريزم اكتىسى تۋرالى جالعان حابارلاۋ) تىركەلدى، سوتقا دەيىنگى تەرگەۋ باستالدى»، - دەدى ب. قۇدياروۆ.