جەر سەرىكتەرى الەمدە اۋانى لاستايتىن جاڭا 500 نىساندى تاپتى
زەرتتەۋشىلەر سپۋتنيك مونيتورينگى ناتيجەسىندە بۇعان دەيىن بەلگىسىز بولىپ كەلگەن 500 لاستاۋ كوزىن انىقتاعان سوڭ وسىنداي تۇجىرىم جاسادى.
Washington Post گازەتىنىڭ جازۋىنشا، اتموسفەرانى لاستاۋشى نەگىزگى زات - ول كۇكىرت ديوكسيدى. بۇل زات جاھاندىق جىلىنۋدى جىلدامداتىپ، ادامزات دەنساۋلىعىنا قاۋىپ توندىرەدى.
ونىڭ باستى كوزدەرى رەتىندە جانارتاۋ، مۇناي ءوندىرۋ زاۋىتتارى جانە ت. ب. كورسەتىلىپ كەلدى. ولاردىڭ بارلىعى ۇلتتىق كوميسسيالاردىڭ ەسەبىندە تىركەلگەندىكتەن جەر بەتىندەگى اۋانىڭ لاستانۋ اۋقىمى ءبىرشاما ناقتى انىقتالىپ كەلدى.
الايدا كانادانىڭ قورشاعان ورتا جانە كليماتتىق وزگەرىس جونىندەگى باسقارمانىڭ جەرسەرىكتەرى كومەگىمەن جۇرگىزىلگەن جاڭا اۋا مونيتورينگى لاستانعان بۇلتتار باعىتىن كورسەتىپ بۇعان دەيىن بەلگىسىز بولعان كۇكىرت ديوكسيدىن تاراتاتىن 500 نىساننىڭ بار ەكەندىگىن انىقتادى.
عالىمداردىڭ ايتۋىنشا، وسى لاستاۋ كوزدەرىنىڭ دەنى ازىرگە ناقتىلانبادى، ونىڭ 75 ى جانارتاۋ، 39 ى تەحنوگەندىك نىسان.
ولاردىڭ كوبى 12 سى تاياۋ شىعىستا ورنالاسقان، شاماسى مۇناي مەن گاز وڭدەۋگە قاتىستى. قالعاندارى الەمنىڭ ءار تۇكپىرىندە جاتىر (ازيا، افريكا، ەۋروپا پەن امەريكادا). بۇعان دەيىن تىركەلمەگەن لاستاۋ كولەمى جىلىنا 7 دەن 14 ميلليون تونناعا دەيىن جەتەدى.
