08:19, 25 - مامىر 2016 | GMT +5
ارالدىق مارافونشى 500 شاقىرىم جولدى جۇگىرىپ وتپەك
قىزىلوردا. قازاقپارات- سەيسەنبى كۇنى «نيەۆادا-سەمەي» قوعامدىق بىرلەسىتىگىنىڭ ارال اۋدانى بويىنشا ءتوراعاسى وتەباليەۆ سەرىك سادۋاقاس ۇلى سەمەي يادرولىق پوليگونىنىڭ جابىلۋىنا 25 جىل جانە قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ارال قالاسىنان قىزىلوردا قالاسىنا دەيىنگى (500 شاقىرىم) ارالىقتى جۇگىرۋىن باستاپ كەتتى.
بۇل تۋرالى اۋداندىق اكىمدىكتىڭ باسپا ءسوز قىزمەتى حابارلادى.
جاستارعا پاتريوتتىق تاربيە بەرۋ ماقساتىنداعى بۇل شارا 31- مامىر كۇنى قىزىلوردا قالاسىندا قۋعىن-سۇرگىن قۇرباندارىن ەسكە الۋ شاراسىندا قورىتىندىلانباق.
