ءتورت جاسار قىتايلىق بالا ەكى اپتا بويى 500 شاقىرىم ءجۇرىپ بەيجىڭگە جەتكەن
ولار روليكپەن قالاعا ەكى اپتا ءجۇرىپ بارعان.
پۋيان قالاسىنىڭ تۇرعىنى پەكينگە بارىپ، تيانانمىن الاڭىنداعى تۋدى ءتۇسىرۋ سالتاناتىنا قاتىسپاققا بەكىنەدى. ول قالاعا جەتۋ ءۇشىن ءوزى 20 جىل بويى تەۋىپ كەلگەن روليكپەن بارۋدى ۇيعارادى.
22 -ناۋرىز كۇنى تاڭەرتەڭ جاڭ مەن ۇلى روليك كيىپ جولعا شىققان. ءار كۇن سايىن ولار 30 شاقىرىمداي ءجۇرىپ وتىرعان. اكەسى ۇلىنىڭ 2 جاسىنان باستاپ روليك تەۋىپ ۇيرەنسە دە، جول بويىندا جىلاعانىن ايتادى.
الايدا اكەسى ۇلىنىڭ جىلاعانىنا قاراماي ءارى قاراي ءجۇرۋىن توقتاتپاعان. كەيىننەن وسى ساپارى جايىندا جەلىگە جاريالاپ، ۇلىمەن ماقتاناتىنىن ايتقان. ول بۇل ساپار ۇلىنىڭ ەسىندە ماڭگى قالاتىنىنا، ونى باتىلداندىرا تۇسەتىنىنە سەنىمدى.
اكەسى مەن ۇلى پەكين قالاسىنا جەتكەن سوڭ تيانانمىن الاڭىنا بارعان. ولار قالانىڭ وزگە دە كورىكتى جەرلەرىن تاماشالاۋ ءۇشىن قالانى 8 كۇن بويى ارالاعان. ال، ولاردىڭ ۇيىنە قالاي قايتقانى بەلگىسىز.
Stan.kz
