اقتاۋ ءبىلىم ءبولىمىنىڭ بۇرىنعى باسشىلارى بيۋدجەتتەن 500 ميلليون تەڭگەدەن استام اقشانى ۇرلاعان

استانا. قازاقپارات - جەمقورلىققا قارسى ءىس- قيمىل بويىنشا ۇلتتىق بيۋروسىنىڭ ماڭعىستاۋ وبلىستىق دەپارتامەنتى اقتاۋ ق. ءبىلىم ءبولىمىنىڭ بۇرىنعى باسشىلارى ن. قۇرمانبايەۆ پەن س. قۇرمانعازيەۆانىڭ جالپى سوماسى 586 ميلليون تەڭگەنى قۇرايتىن «بالاپان» مەملەكەتتىك باعدارلاماسى بويىنشا بولىنگەن قاراجاتتى قالتالارىنا باسقان، دەپ حابارلادى ۆەدومستۆونىڭ باسپا ءسوز قىزومەتىنەن.

2013-2014 -جىلدارى ن. قۇرمانبايەۆ پەن س. قۇرمانگازيەۆا بالالارعا مەكتەپكە دەيىنگى تاربيە بەرۋ قىزمەتىن ۇسىندى دەگەن سىلتاۋمەن 15 جەكە بالاباقشانىڭ شوتىنا زاڭسىز اقشا اۋدارعان.

تولەمدى جاساۋعا بالالاردى قابىلداۋ تۋرالى شارتتار بويىنشا اتقارىلعان جۇمىستىڭ جالعان اكتىلەرى نەگىز بولدى. ءىس جۇزىندە ولار كەزەكتە تۇرماعان.

ن. قۇرمانبايەۆ پەن س. قۇرمانگازيەۆاعا قاتىستى «كەپىلدىك» بۇلتارتپاۋ شاراسى قولدانىلدى.

سونىمەن قاتار قالانىڭ بالاباقشالارىنىڭ باسشىلارى دا جاۋاپكەرشىلىككە تارتىلادى.