مەسسي سپورتتىق مانسابىنداعى 500-گولىن سوقتى

 استانا. قازاقپارات - ايگىلى ارگەنتينالىق سۇرمەرگەن ليونەل مەسسي سپورتتىق مانسابىنداعى 500-گولىن سوقتى. يسپانيا كۋبوگىنىڭ جارتىلاي فينالىندا كاتالوندىق كلۋبتىڭ شابۋىلشىسى «ۆالەنسيا» قاقپاسىن ءۇش رەت ءدال نىساناعا الدى.

ليونەل مەسسيدىڭ «ۆالەنسيا» كلۋبىنىڭ قاقپاسىنا سوققان ەكىنشى گولى سپورتتىق مانسابىنداعى 500-گولى بولىپ جازىلدى. «كامپ نوۋداعى» ويىندا 7:0 ەسەبى تىركەلدى. مەسسيدەن وزگە لۋيس سۋارەس پوكەر اۆتورى اتاندى.

ارگەنتينالىق فۋتبولشى سپورتتىق مانسابىنداعى 436 گولدى «بارسەلونا» ساپىندا ءجۇرىپ سوققان. ۇلتتىق قۇراما قاتارىندا ءجۇرىپ 49 گول سوقسا، جاستار قۇراماسىندا (U-23) جۇرگەندە 2 گول سوققان. سونداي- اق 20 جاسقا دەيىنگى ارگەنتينا جاستار قۇراماسى ساپىندا 14 گولدىڭ اۆتورى اتانعان.
massaget.kz