وسىدان 500 جىل بۇرىن دارعا اسىلعان تەڭىز قاراقشىسىنىڭ سۇيەگى تابىلدى

استانا. قازاقپارات - ەدينبۋرگتە كونە باستاۋىش مەكتەپتىڭ بالالارعا ارنالعان ويىن الاڭىن سالىپ جاتقان قۇرىلىسشىلار ادام قاڭقاسىنىڭ ۇستىنەن شىقتى.

عالىمدار سۇيەكتەرگە 500 جىل بولعانىن انىقتادى، دەپ حابارلايدى The Telegraph.

وقيعا ورنىنا كەلگەن پوليتسەيلەر، قاڭقانى تەكسەرىپ، ەشقانداي قىلمىستىڭ ءىزىن تاپپاعان سوڭ ارحەلولوگتاردى شاقىرعان. عالىمدار بۇل سۇيەكتەرگە كەمىندە 500 جىل بولعاندىعىن انىقتادى.

تاريحشىلاردىڭ پايىمداۋىنشا، ول كەزەڭدە بۇل جەردە كەمە جوندەيتىن ورىن، ال ونىڭ اۋماعىندا دار اعاشى بولعان. شاماسى، بۇل اۋىر قىلمىسى ءۇشىن دارعا اسىلعان تەڭىز قاراقشىسىنىڭ سۇيەگى بولۋى ىقتيمال.