اتىراۋدا ەنەسىن ەتىكپەن ساباعان كۇيەۋ بالا 500 مىڭ تەڭگە مورالدىق وتەماقى تولەيتىن بولدى

سوتتاعى ب. كەنجەبايەۆانىڭ بەرگەن تۇسىنىكتەمەسى بويىنشا، كۇيەۋ بالاسىنىڭ ءۇستى بالشىق، ءارى ماس بولىپ ۇيگە كەلىپ، ءوزىنىڭ بالاسىن جىلاتقان. ودان جاپا شەگۋشى ۇيىنە بارىپ دەمالۋدى سۇراعان، كەيىن ونى ءىنىسى ۇيىنە الىپ كەتۋگە كەلگەندە ا. ءومىرقالوۆ كونبەي، ونى دا ۇرعان. ەنەسى اراشا ءتۇسىپ، ۇيدەن شىعارىپ جىبەرمەك بولعان كەزدە ا. ءومىرقالوۆ ەنەسىن يتەرىپ جىبەرىپ، ءۇيدىڭ كىرە بەرىسىندە تۇرعان رەزەڭكە ەتىكپەن باسىنان ۇرىپ، ناتيجەسىندە دەنساۋلىعىنا زاقىم كەلتىرگەن. سوتتا شاعىمدانۋشى كۇيەۋ بالاسىنان 30000 تەڭگە ماتەريالدىق شىعىندى جانە 50000 تەڭگە مورالدىق وتەماقى ءوندىرۋدى سۇراعان.
سوتتا سوتتالۋشى ا. ءومىرقالوۆ ءوز كىناسىن تولىقتاي مويىنداپ، ەنەسىنەن كەشىرىم سۇرايتىنىن اتاپ كورسەتتى.
جىلىوي اۋداندىق سوتىنىڭ ۇكىمىمەن سوتتالۋشى ا. ءومىرقالوۆ قازاقستان رەسپۋبليكاسى ق ك- ءنىڭ 108-بابىمەن ايىپتى دەپ تانىلىپ، 35-ايلىق ەسەپتىك كورسەتكىش مولشەرىندە، ياعني 69370 تەڭگە ايىپپۇل سالىندى.
ب. كەنجەبايەۆانىڭ پايداسىنا 30000 تەڭگە ماتەريالدىق شىعىن جانە 500000 تەڭگە مورالدىق وتەماقى ءوندىرىلدى، دەپ حابارلايدى جىلىوي اۋداندىق سوتىنىڭ باسپا ءسوز قىزمەتى.