07:45, 22 - قازان 2015 | GMT +5
ءار يسپاندىق جانۇيا جىلىنا 500 ەۋرو تۇراتىن تاماقتى قوقىسقا توگەدى
استانا. قازاقپارات - Toluna حالىقارالىق ساۋالناما جۇرگىزۋ اگەنتتىگى زەرتتەۋ جاسادى. ناتيجەسىندە يسپاندىقتاردىڭ دۇكەننەن ساتىپ اكەلىنگەن تاماق ونىمدەرىنە ۇقىپسىز قارايتىنى انىقتالدى. سونىڭ سالدارىنان ءار يسپاندىق جانۇيا جىلىنا 500 ەۋرو تۇراتىن تاماقتى قوقىسقا توگەدى ەكەن.
ساۋالناما سۇراقتارىنا جاۋاپ بەرگەندەردىڭ %80 ى توڭازىتقىشتا تۇرعان ازىق-تۇلىكتىڭ قالاي بۇزىلىپ كەتكەنىن بايقاماي قالاتىن بولىپ شىقتى. مۇنداي سالعىرتتىق سالدارىنان ءار وتباسى ايىنا 40 ەۋرونىڭ تاماعىن قوقىسقا لاقتىرادى.
ال 1 جىل ىشىندە بۇل كورسەتكىش 500 ەۋروعا جەتەدى. جارامسىز بولىپ قالىپ، قوقىس جاشىگىنە ەڭ ءجيى تۇسەتىن نان جانە ونىڭ ونىمدەرى بولىپ شىقتى، دەپ جازادى 24.kz eSpanarusa.com-عا سىلتەمەمەن.
