10:35, 18 - مامىر 2015 | GMT +5
يراكتىڭ رامادي قالاسىن «يسلام مەملەكەتى» سودىرلارى باسىپ الدى، 500 دەن استام ادام قازا تاپتى
استانا. قازاقپارات - يراك بيلىگى حابارلاعانداي، ەلدىڭ باتىسىنداعى رامادي قالاسى «يسلام مەملەكەتى» توبى سودىرلارىنىڭ باقىلاۋىنا ءوتتى، دەپ حابارلادى بي- بي- سي.
قالاعا باعىتتالعان جاساق جيحادشىلاردىڭ شابۋىلىنا قارسى تۇرۋ ءۇشىن جەتكىلىكسىز بولىپ شىقتى: بيلىك اسكەرى كەرى شەگىندى.
جەرگىلىكتى بيلىك وكىلى سوڭعى ەكى كۇندە قالادا بەيبىت تۇرعىنداردى قوسا العاندا، 500 گە تارتا ادام قازا تاپقانىن جەتكىزدى.
ۇكىمەتكە قارسى ءسۇننيت تايپالارى مەن ساددام حۋسسەين اسكەرىنىڭ بۇرىنعى مۇشەلەرىنىڭ قولداۋىنا يە سودىرلار بىرنەشە ايدان بەرى رامادي قالاسىن باسىپ الۋعا تىرىسقان.
«يسلام مەملەكەتى» باعداد ۇكىمەتىنە ءراماديدى ءوز باقىلاۋىنا الۋ ارقىلى توپ بۇكىل انبار پروۆينتسياسىن ءىس جۇزىندە باقىلاي الاتىنى جايلى كەسىمدى جاۋابىن ايتۋدا.
