ءداستۇرلى شارا بارىسىندا قازاقستاندا 500 مىڭ اعاش وتىرعىزىلادى

استانا. قازاقپارات - ق ر اۋىل شارۋاشىلىعى مينيسترلىگى ەكىنشى جىل قاتارىنان كوكتەمدە «بۇكىل قازاقستاندىق اعاش وتىرعىزۋ كۇنىن» وتكىزۋدە ماقسات - قازاقستاندىقتار اراسىندا تابيعاتتى ايالاۋ، ورمانداردى ساقتاۋ مەن قالىپقا كەلتىرۋ، قالالار مەن ەلدى مەكەندەردىڭ ماڭىن كوگالداندىرۋدى ناسيحاتتاۋ، دەپ حابارلادى ق ر ا ش م باسپا ءسوز قىزمەتىنەن.

شارا 18- ساۋىردە بارلىق وبلىس ورتالىقتارىندا، استانا جانە الماتى قالالارىندا وتەدى. بۇل كۇنى 500 مىڭنان استام اعاش پەن كوشەت وتىرعىزىلادى. كوشەتتەردى وتىرعىزۋعا ا ش م باسشىلىعى مەن قىزمەتكەرلەرى، تابيعاتتى قورعاۋ مەكەمەلەرىنىڭ وكىلدەرى، مەملەكەتتىك ورمان يەلەرى، رەسپۋبليكالىق جانە جەكە كاسىپورىندار، جاستار ۇيىمدارى قاتىسادى.

وتكەن جىلى شاراعا 226 مىڭنان استام ادام قاتىسقان بولاتىن. ولار شامامەن 660 مىڭ اعاش پەن كوشەت وتىرعىزدى.