تاعى ءبىر مەملەكەتتىك قىزمەتكەر 500 مىڭ دوللار پارا الدى دەگەن كۇدىكپەن ۇستالدى
بۇل تۋرالى بۇگىن قازاقپارات تىلشىسىنە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسپا ءسوز حاتشىسى ەركەبۇلان يبراگيموۆ مالىمدەدى.
ءمالىم بولعانىنداي، ىسقاقوۆ ق. ەسىمدى قىزمەتكەر جەرگىلىكتى كاسىپكەردەن مازيەۆ ر. جانە ديە ا. ەسىمدى اراداعى ەكى ازامات ارقىلى 500 مىڭ ا ق ش دوللارى كولەمىندە پارا العان. سول ءۇشىن ول كاسىپكەرگە كەدەندىك باج سالىعىن سالماۋعا ۋادە ەتكەن.
قازىر الماتى قالاسى بويىنشا مەملەكەتتىك كىرىستەر دەپارتامەنتىنىڭ قىزمەتكەرى ۋاقىتشا تەرگەۋ اباقتاسىنا توعىتىلدى.
«ق ر قىلمىستىق كودەكسىنىڭ 366-بابىنىڭ 2-3 -تارماقتارى بويىنشا سوتقا دەيىن تەرگەۋ امالدارى باستالدى. سونىمەن قاتار، ءقازىر وسى جاعدايعا بايلانىستى الماتى قالاسى بويىنشا مەملەكەتتىك كىرىستەر دەپارتامەنتىندە ءتيىستى تەكسەرۋلەر جۇرگىزىلىپ جاتىر»، - دەدى ەركەبۇلان يبراگيموۆ.
اۆتور: جاپپاربەرگەن ايبوتا
