جىل سايىن 500 دەن استام قازاقستاندىق رەسەيدە قىلمىس قۇربانىنا اينالادى
بۇل جايىندا بۇگىن قازاقستان مەن رەسەي فەدەراتسياسى شەكارالاس پروكۋراتۋرالارى باسشىلارىنىڭ ەكى كۇندىك فورۋمى اياسىندا ر ف باس پروكۋرورىنىڭ ورىنباسارى يۋري پونوماريەۆ مالىمدەدى.
"كوشى-قون پروبلەماسى دا اسا وزەكتى ماسەلەلەردىڭ ءبىرى. بۇل پروبلەمالاردى شەشۋ ارقىلى ەكونوميكاداعى وڭ ۇدەرىستى نىعايتىپ، ينتەگراتسيالىق پروتسەستى دامىتۋعا بولادى. ال، كوشى-قون اعىمىن باقىلايتىن ءتيىمدى جۇيەنىڭ بولماۋى جانە كاسىپكەرلەردىڭ ارزان جۇمىس كۇشىنە ۇمتىلۋى زاڭسىز ميگرانتتاردىڭ كۇرت ارتۋىنا الىپ كەلەدى.
بۇل ءوز كەزەگىندە كولەڭكەلى ەكونوميكانى، سىبايلاس جەمقورلىقتى تۋعىزاتىن فاكتور. جىل سايىن رەسەيدە شامامەن 1,5 مىڭ قازاقستاندىق ازامات قىلمىستىق جاۋاپكەرشىلىككە تارتىلسا، ورتا ەسەپپەن 500 قازاقستاندىق ءتۇرلى قىلمىستىڭ قۇربانىنا اينالىپ جاتادى.
ولاردىڭ باسىم بولىگى رەسەي اۋماعىنا قازاقستاننان زاڭسىز كىرگەندەر" دەدى يۋري پونوماريەۆ.
ونىڭ ايتۋىنشا، مۇنداي كەلەڭسىزدىكتەردىڭ سوڭى ۇلت ارالىق قاقتىعىستارعا دەيىن ۇلاسۋى مۇمكىن.
Baq.kz
