ەبولا ۆيرۋسى قۇرباندارىنىڭ سانى 500 دەن استى

استانا. قازاقپارات - سەررا-لەونە، ليبەريا جانە گۆينەيا اۋماعىندا 3 - شىلدەدەن بەرى ەبولا ىندەتىنە شالدىعۋدىڭ 50 جاڭا وقيعاسى تىركەلدى.
None
None

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە قاراعاندا، اتالعان دەرتتى جۇقتىرۋدىڭ جاڭا وقيعالارىنىڭ جارتىسى ادامداردىڭ ولىمىمەن اياقتالدى.

ياعني، ىندەتتەن كوز جۇمعانداردىڭ سانى 500 دەن اسىپ وتىر. بۇدان بۇرىن بۇل ۆيرۋستان 467 ادام قۇربان بولعانى حابارلانعان ەدى، دەپ جازادى روسبالت.

ايتا كەتەيىك، ەبولا قاندى بەزگەگى 1976 - جىلى سۋدان مەن زاير مەملەكەتتەرىنىڭ اۋماعىندا العاش رەت انىقتالعان بولاتىن. بۇل دەرتكە شالدىققانداردىڭ 90 پايىزى ءتىرى قالمايتىنى بەلگىلى.

ەستەرىڭىزگە سالا كەتەيىك، ەبولا ۆيرۋسى ناۋرىزدان باستاپ گۆينەيادا بەلسەندى تاراعان ەدى. كەيىننەن ونىڭ وشاعى كورشىلەس سەررا-لەونە مەن ليبەريادا انىقتالدى.

اۆتور: رۋسلان عابباسوۆ

سوڭعى جاڭالىقتار